Kryetari Degës 8 mbështet Bashën, anëtarët e PD: Lulzim Basha i shkarkuar, të largohet nga Zyra!
Pas deklaratës së Kryetarit të Partisë Demokratike Dega 8 në Tiranë, Pëllumb Seferi, se mbështet Bashën, sot anëtarët e PD të kësaj Dege kanë protestuar para selisë qendrore duke e bërë të qartë para mediave se Lulzim Basha është shkarkuar nga Kuvendi ndërsa atij i bënë thirrje të largohet nga Zyra dhe të dorëzoj logon e konfiskuar.
Indrit Hoxha foli në emër të demokratëve të njësisë 8, duke deklaruar se kërkojnë largimin e Lulzim Bashës dhe dorëzimin e logosë.
“Lulzim Basha është shkarkuar nga Kuvendi. Detyra e sotme e tij është që të largohet nga zyrat e selisë së PD-së. Të dorëzojë logon e konfiskuar që është marrë peng nga shumë njerëz, jo vetëm Edi Rama. Të hapë rrugën për zgjedhjet në PD sipas standardit një anëtar, një votë,” tha Indrit Hoxha në emër të anëtarëve të PD duke kërkuar hapjen e garës pë Kryetar të Partisë Demokratike:
“Bllofet dhe fasadat që po luhen në selinë e PD e dëmtojnë atë. Këta janë anëtarët e njësisë 8, që e kanë shkarkuar Lulzim Bashën dhe kërkojnë hapjen e garës dhe procesit për këdo që kërkon të ballafaqohet me votën e anëtarësisë. Vetëm vota i bashkon demokratët.”
Ndryshe, vullnetarët e diktatorit Lulzim Basha u mblodhen për ti shprehur mbështetje pas reagimit të ashpër të deputetëve në Grupin Parlamentar, ku i kërkuan dorëheqje për përgjegjësinë që ka Basha si Kryetar për situatën e krijuar në PD.
Pse, nuk dihet, por,Lulzim Basha nuk zgjodhi modelin perëndimor por atë të Ramiz Alisë dhe thirri për mbështetje ata që e kundërshtuan Bashën kur Kunati përzgjedhte deputetët dhe ata që i emëroi Basha si zëvendësim për ata që kundërshtuan shkatërrimin e Partisë Demokratike. Sot ky grupim kriminal ka zgjedhur të mos i bashkohet demokratëve por të renditen në Grupimin që sot po përdoret si Vullnetarë të Diktatorit Lulzim Basha!
