Foltorja në Tepelenë e Përmet: Nevojë bashkimi PD, përballja dhëmbë për dhëmbë me regjimin!

Pas vendimit të Gjykatës së Tiranës i cili pranoi ndryshimet e Statutit nga Kuvendi i 11 Dhjetorit, lideri historik i PD Sali Berisha nisi turin e Foltores me demokratët në Tepelenë dhe Përmet ku ndonëse ndryshimi ndër demokratë ishte i dukshëm ai bëri thirrje për bashkim ndërsa u shpreh qartë se përballjen Partia Demokratike e ka dhëmbë për dhëmbë me regjimin e Edi Ramës.

“Sot PD siç ka nevojë zogu për ajrin ka nevojë për bashkimin e saj. Ka nevojë që çdo anëtar çdo mbështetës të lerë mënjanë çdo zemër thyerje, të mobilizojmë energjitë tona për një betejë të rëndësishme, betejë me regjimin më të rrezikshëm, me regjimin që bazon veprimtarinë e tij në vjedhjen dhe krimin.

Regjimin të cilin kriza po e nxjerr përditë para shqiptarëve që çfarë fatkeqësia është për ta. Ndërkohë që nafta ne Ukrainë është 1 euro më e lire se sa në Shqipëri mijëra metra nga lufta. Prania sot këtu e demokratëve të cilët kanë pasur qëndrime të ndryshme nga njeri – tjetri është një mesash i shkëlqyer.
8 vite në opozitë, 8 vite trysni, diskriminim, pushime nga puna, kjo është një lumë sakrificash që i bashkon demokratët,” tha Sali Berisha ndërsa foli për pamjet e shëmtuara që po trondisin shqiptarët me dyert e blinduara që shohin në PD ndërsa i shfajësoi edhe ata demokratë që mbështetën vendimin e Lulzim Bashës më 9 Shtator.

“Ne kaluam një krizë dhe ish-kryetari i PD-së dha dorëheqjen për zhvillimet siç e tha vetë ai nga 9 shtatori deri sot. Unë ju them ju se asnjë demokrat i Tepelenës, Gjirokastrës, apo Shqipërisë që gjatë këtyre muajve ndoqi në një mënyrë apo një tjetër ish-kryetarin nuk ka asnjë përgjegjësi për vendimin e 9 shtatorit sepse ai nuk pyeti asnjëri mbi tokë. Nuk pyeti institucionet, nuk pyeti forumet. Ju e shihni, dje po hiqeshin dyert. A mund të imagjinoni? E ardhmja me dhjetëra tonë bunkerë. A ishte normal apo nuk ishte normal ai që e bëri nuk mund të them. Por ai dha dorëheqjen. Ajo s’mund të bëhej kurrë. megjithatë selia po hapet për të gjithë demokratët, shtëpia jonë e përbashkët aty është, prandaj të vini.”

U pyet për fitoren edhe me statusin non grata që ka nga SHBA, dhe Ish-Presidenti Sali Berisha sqaroi demokratët e Tepelenës se edhe Kryetari i Grupit Parlamentar i PD, Enkelejd Alibeaj, i kishte thënë në takim se me të non grata, PD nuk fiton, por ai fitoi më 2005 dhe ndryshoi Shqipërinë.

“Unë vlerësoj shumë frymën e pajtimit që ekziston në bazë. Ju garantoj që kjo frymë pajtimi ekziston edhe në qendër, por ndonjë problem i vogël ekziston. Para se të bëj një prononcim siç e patë ju, unë takova palën ndryshe të themi, që mendon ndryshe, para se të dal me gazetarët, këto fjalë iu thashë. Por duhet të jemi të hapur, në dialogun që pata me z. Alibeaj, po më thotë, por me ty ‘non grata’ nuk fiton PD-ja. Mirë i them unë. Prisni, do ju tregoj një histori të bukur ju. I them shiko, edhe në ‘97 nuk kishte njeri që besonte se ne do fitonim, por ja që fituam, erdhi 2005 dhe demokratët ia dolën të ndryshojnë Shqipërinë, ta anëtarësojnë në NATO,” tha Berisha duke shtuar.

“Imagjinoni ju sikur unë t’i përmbahesha parashikimeve të 1998 dhe të mos bëja përpjekje të mëdha për rikthimin e PD në pushtet. Po kur më erdhi Trojka botërore, sekretari i përgjithshëm i KiE, djali i Andrea Papandreut, George dhe Volfang Shusel, mik, i solli Dan Everts një ekstremist i madh dhe qëllimi kryesor i vizitës së tyre ishte që të sillnin mesazhin që unë të largohesha nga politika. Më thirrën në zyrën e OSBE dhe më thanë që edhe për shkak të moshës…unë atëherë isha mbi 50 vjeç. I dëgjova dhe meqenëse këta e lanë George të flasë në emër të tyre, i them: në Ballkan burrë më të mençur se babën tënd nuk ka pasur. Pse më tha? Sepse i ka thënë grekëve: Zoti mos e lëntë Greqinë në duart e George.

Kjo ndodhi në 98 dhe 2005-2013 ishin vitet më të suksesshme të qeverisjes në këto 30 vite. Këtë debat siç e bëj me ju haptas, e bëra edhe me Enkelejdin, me Gaz Bardhin. Po të ishte në atë zyrë, do e takoja edhe Lul Bashën. Ne nuk përjashtojmë. Por një gjë ka, jam i detyruar të mbroj interesat tuaja. Çdo drejtues duhet të ketë parasysh zgjedhësit dhe anëtarët e PD-së. Ju ftoj të bashkohemi, të vazhdojmë këtë betejë, sa më shpejt të mbushim rrugët dhe sheshet kundër këtij regjimi.”

Para demokratëve të Tepelenës se me të në krye Partia Demokratike do ti fitojë zgjedhjet.

“Pse u godit Sali Berisha? Vetëm që PD-ja të bëhej shtojcë e PS-së. Por ne shtojcë nuk bëhemi. Ju më pyesni: a fiton PD-ja me Sali Berishën në krye? Unë them fiton. Në 1998 kam pasur botën kundër dhe kemi fituar. Fituam sepse besuam te e drejta. Unë për një kauzë të drejtë luftoj deri në fund. Unë jam i bindur se do fitojmë.

Kushdo që të vijë të garojë me mua është i mirëpritur. Nëse nuk fitoj, e respektoj. Nëse në zgjedhjet lokale humbas, do vij të votohem te ju. Po humba zgjedhjet e përgjithshme, largohem dhe jap dorëheqjen,” tha Berisha duke renditur dhe arsyet e fitores:

“Në vitin ‘97 kur dorëzuam pushtetin në 97, Shqipëria ishte i vetmi vend në rajon në librin e bardhë të Komisionit Europian që ishte përzgjedhur për t’u konsideruar për statusin e kandidatit dhe hapjen e negociatave. Bënë fillimisht një gjë, e inkuadruan me republikat e ish-Jugosllavisë, shkova në Komision, u thashë se kjo është anti-historike prandaj mos e bëni këtë, e hoqën, e kuptuan që ishte gabim dhe e keni librin e bardhë të botuar prej tyre. Në vitin 2009-2013 PD eci e vendosur, pandalshëm në procesin e integrimit. U anëtarësua në NATO, u vendos stabilizim-asociimi, u liberalizuan vizat dhe u mor rekomandimi i KE, por që u bllokua nga Edi Rama me këshilltarët e Fierit.

Ka 9 vite që Shqipëria rri në vend numëro. Por përsëri, dorëzimi i pushtetit nga unë ishte detyrë më kryesore, nuk mund të mendoja unë të mos dorëzoja pushtetin kur të humbisja zgjedhjet. Humba zgjedhjet, dorëzova pushtetin, u largova nga drejtimi i PD-së. Ai që është sot në pushtet nuk mund të tregojë një fakt apo një të dhënë të vetme se u pengua nga demokratët apo nga Sali Berisha në procesin e integrimit,” tha lideri historik i PD duke përfunduar:

“Edi Rama zgjodhi rrugën e krimit, zgjodhi rrugën e korrupsionit, zgjodhi rrugën që e la Shqipërinë faktikisht, jashtë BE-së. Dalim tek Konica, atë që i kanë bërë shqiptarët Shqipërisë, nuk ia kanë bërë të tjerët.”

Berisha: Të ngrihemi për të shpëtuar Shqipërinë

Edhe ndër demokratët e Përmetit lideri historik i PD, Sali Berisha, gjeti një frymë përbashkuese ku dhe bëri thirrje për një mision për përballje dhëmbë për dhëmbë me regjimin për të shpëtuar Shqipërinë.

“Është një kënaqësi e veçantë e jashtëzakonshme për mua të gjendem në Përmet, midis miqve të mi të shkëlqyer. Të gjendem në këtë qytet i cili ka një traditë, më të mirën, në mendimin politik shqiptar, në shpirtin e njerëzve të tij punëtorë. Është kënaqësi e veçantë që unë vij sot në Përmet dhe ju gjej ju të bashkuar, demokrate dhe demokratë, u gjej ju në mençurinë tuaj, ju lexuat me seriozitetin më të madh mesazhin e 6 marsit, mesazh i të cilit ishte bashkimi, bashkimi dhe vetëm bashkimi për një opozitë të vërtetë shqiptare, për një PD opozitë e vërtetë shqiptare.

E gjithë përpjekja jonë sot është një PD e bashkuar, e fortë dhe e hapur, ndaj dhe unë ftoj këtu të gjithë demokratët e Përmetit nga dhjetori ’90 gjer sot, të bashkojmë kontributet tona, të bashkojmë idealet tona dhe të ngrihemi si opozita më e fuqishme e kohës. Të ngrihemi si PD në misionin e madh opozitar për të shpëtuar Shqipërinë nga një regjim i bazuar në krimin, vjedhjen e qytetarëve, varfërimin e tyre, largimin e shqiptarëve nga Shqipëria. Nuk ka mision më të madh se sa ky mision dhe ky mision përmbushet para të gjithash duke u bashkuar, duke bashkuar çdo kontribut.

Ky mision përmbushet para së gjithash duke qëndruar të pamposhtur si opozitë e vërtetë. Përmbushet duke hapur PD-në drejt prurjeve të reja dhe në këtë mënyrë ne do mbjellim shpresën e cila është jetike për shqiptarët sot. Do mbjellim besimin tek qytetarët shqiptarë, demokrate dhe demokratë. Ne i arrijmë qëllimet tona, në qoftë se njohim përgjegjësitë tona. E konsideroj të domosdoshme të flas me ju haptas, arrijmë qëllimet tona duke njohur gabimet tona. Unë i pari kam kërkuar ndjesë dhe i kam njohur ato në mënyrë të përsëritur.

Do ndalem këtu vetëm në një aspekt tjetër. Shpesh dëgjon demokratë të shprehen se këta njerëz nuk marrin vesh, se çfarë do t’u bësh, ndjekin punën e tyre. Këtë duhet ta harrojmë ne, këta njerëz marrin vesh nëse ne dimë t’u prekim kordat e besimit të tyre,” tha Sali Berisha duke marrë një shembull:

Do marr vetëm një shembull që nuk është sekret, por është një fatkeqësi e tmerrshme. Bëhen sondazhet dhe sondazhet tregojnë se ai fenomen negativ për çka rrëzohen qeveritë njëra pas tjetrës, këtu nuk e ka atë ndikim në psikologjinë e njerëzve dhe ky është korrupsioni. Kjo gjë gjatë fushatave nuk trajtohet sepse sondazhet atë tregojnë. Nuk jemi në fushatë, por në qoftë se kjo nuk bën përshtypjen që duhet të bëjë, atëherë përgjegjësia është e jona. Duhet të ulemi me çdo njeri dhe t’u tregojmë se është vjedhje.

Çdo qytetar ka dy buxhete, ka rrogën që merr dhe ato taksat që i merr qeveria. Si i përdor ato do jetë dhe zhvillimi i vendit. merrni dy periudhat, 2005-2013, u arrit të dyfishohen rrogat dhe pensionet, me ato paratë që paguani ju, nuk prodhon qeveria para. u ndërtuan 11 mijë km rrugë, me ato para që paguani ju. U ndërtua Shqipëria dixhitale, me se u arrit, me ato fonde. U anëtarësua Shqipëria në NATO, si u arrit duke luftuar krimin dhe korrupsionin. U ec drejt BE-së duke luftuar krimin dhe korrupsionin. këto 9 vite prapaktheu ose në vend numëro. Sot shqiptarët nga në kryer të vendeve të rajonit janë në fund.”

Pas bashkimit të PD, Sali Berisha tha para demokratëve të Përmetit se Partia Demokratike do të dalë me protesta masive në përballje dhëmbë për dhëmbë me këtë regjim.

“Më informojnë nga Porti i Durrësit që fluksi i naftës kontrabandë nuk ka të sosur. Dhe kur del tani pas 10 vitesh konsumi i naftës 600 mijë ton ndërkohë që në 2012 konsumonim 700 mijë ton. Si u pakësua kjo? Çfarë ndodh këtu? Ndodh që nëse ndodh problem në një vend kryeministri del e thotë që do të rritet çmimi i naftës. Me bukën e njëjta gjë. Ne e dimë se çfarë është shporta. Ka një zgjidhje. Nuk ka nevojë të shpikës. U rrit buka 20 lekë ta zëmë çdo shqiptari duhet t’i japësh 20 lekë në dorë. Nuk do vësh tavane. Se po vure tavane zbrazen dyqanet.

Ai jep një thes me fjalë dhe mashtrime. Ku jemi ne? Problemi është se qeveria i bën këto sepse ne duhet të jemi në rrugë, në protestë. Në përballje dhëmbë për dhëmbë me këtë regjim. Që të përballemi ne duhet të bashkohemi. Sakrificat janë thirrje për bashkim. Patëm një krizë ne. Nuk e mohoj. Një krizë të rëndë. Por kjo krizë po shkon drejt zgjidhjes. Njeriu që e krijoi dha dorëheqjen. A e keni parë dje dhe sot selinë. A mundet një njeri normal mbi tokë të bëjë blindime. Unë nuk dua të merrem me të sepse e mori përgjegjësinë e tij. Ka përgjegjësi më të madhe se aq sepse kaloi nga humbja në humbje.”

Edhe para demokratëve të Përmetit lideri historik i PD përdori gjuhë të reformuar ku dhe mori vërjetje se nuk është Lulzim Basha por Lulzim Brava ndërsa ai vazhdoi:

“Unë takova në seli ata që janë kundër Sali Berishës. Zotëria që i krijoi këto iku. Votën e lirë do e kthejmë. E kam treguar dhe po e tregoj prapë. Urdhëroni të bashkohemi për votën e lirë. Një demokrat në Tepelenë më tha nuk do votoj për ty, por unë do pranoj votimin e shumicës. Ju mund të votoni për këdo. Por nuk mund të pretendojmë të votojnë të gjithë për të njëjtin njeri. Një tjetër më tha kam votuar për Agron Shehajn. E kemi zotimin ne, që vetëm një po mbeti, i dyti do jem unë. Pse e kemi këtë zotim. Kjo parti këto tetë vite pati fatkeqësi.

Pas 8 viteve kryetar, ditën e votimit me 25 Prill vetëm një e pesta e zgjedhësve tanë kishin votuar për të, 4/5 kishin votuar për partinë. Ju keni arritur të mbahet në këtë nivel. Ia vlen që ne ta mbështesim pafundësisht. Fituam të jemi opozitë e vërtetë. Të gjithë kundërshtitë që pata më tha ish kryetari tani SHBA mund ta fusin në sanksione partinë. O Lul i them unë. (E lamë atë fjalën brava se ka dhënë dorëheqjen) Një parti që pranon gënjeshtrën për të vërtetë a meriton të ekzistojë?! Jo më tha. Një parti që tërhiqet për hunde i thashë nuk fiton kurrë. Enkelejdi nuk kishte argument tjetër. Më tha kjo e Amerikës është problem. I thashë o zotëri në vitin 1997 ishte gjithë bota kundër meje. Si ta lëshoja PD-në unë,” tha lideri historik i PD, Sali Berisha, para demokratëve të Përmetit duke përfunduar:

“Miqtë janë miq por sovraniteti qëndron i tëri mbi jetën gjakun dhe shpirtrat e shqiptarëve!”