Zbardhet vendimi i Gjykatës së Tiranës për Rithemelimin e PD dhe mashtrimet e Bashës
Më në fund zbardhet dhe Vendimi i Gjykatës së Tiranës së Rrethit Gjyqësor Tiranë e cila njeh ndryshimet e Statutit të PD të miratuara në Kuvendin e 11 Dhjetori 2021 ku nuk ka asnjë ndryshim nga ajo që është thënë nga përfaqësuesit e Komisionit të Rithemelimit PD dhe zbardh edhe faktin se gjithçka që është nga Lulzim Basha dhe mbështetësit e tij ishte një mashtrim.
Madje, mashtrim ishte dhe kërkesa për apelim e këtij vendimi në Gjykatën e Apelit dhe përmbajtja e kësaj ankese.
Në Pikën 3. të këtij Vendimi thuhet qartë se si bëhet ankimi:
“Kundër këtij Vendimi mund të bëhet ankimi sipas Ligjit.”
Ata që kanë edukatën bazë ligjore, duke menduar se këtë e kanë edhe dy Ish-Ministrat e Drejtësisë, Gazment Bardhi si shkronjës dhe Enkelejd Alibeaj si firmëtar në cilësinë e Nënryetarit që bënë “apelimin”, e dinë se si bëhen ndryshimet në Statut dhe se ankimi bëhet po pranë kësaj Gjykate pasi të regjistrohen me vendimin e zbardhur; Ndryshe në Vendimin e arsyetuar do të figuronte në fund togfjalëshi i famshëm “kundër këtij vendimi lejohet ankim në Gjykatën e Apelit Tiranë brenda …ditëve nga e nesërmja e komunikimit të vendimit të Arsyetuar…”
Sikur të merret e mirëqenë se në drejtësinë shqiptare, dy ministrat edhe mund ta kenë marrë këtë Vendim në mënyrë informale pa u zbardhur ai për palën që ka kërkuar ndryshimet e Statutit, shihet se përmbajtje e kërkesës drejtuar Gjykatës Apelit nuk çalon vetëm juridikisht.
Në këtë Vendim që u zbardh sot thuhet qartë se ankesa për Agron Zhukrin si gjyqtar i çështjes dhe përjashtimin e tij nga ky proces, kërkuar nga kjo dyshe mendje ndritur e drejtësisë shqiptare që kishte në dorë vulën e PD, është shqyrtuar nga Gjykata dhe vendimi është marrë më 4 Shkurt 2022, ku nuk miratohet kërkesa!
Meqë kjo dyshe është mësuar ashtu si kryetari i tyre të mashtroj, pse Agron Zhukri është i afërt me PD dhe nuk i takon të jetë pjesë e këtij vendimi, Gjykatës i është thënë më 28 Dhjetor 2021 po nga ata në emër të PD.
Ndoshta për të ruajtur integritetin e dy ish-ministrave të Drejtësisë mund të shërbente Ligji nr.8580 i datës 17.02.2000 “Për Partitë Politike” përballë mashtruesit Lulzim Basha, por ja që ndodhë se pjesë e ushtrisë së juristëve shqiptarë që nuk lexojnë ligjet mund të jenë dhe ministrat që janë juristë si në këto dy raste fatkeqe!
Pafrikë.al po sjell për lexuesit vendimin e plotë i cili u bë sot publik:
