Seancë plenare, sot Presidenti i Ukrainës i drejtohet deputetëve shqiptarë

Në seancën e sotme plenare të Parlamentit të Shqipërisë me të vetmen pikë të Rendit të Ditës, Presidenti i Ukrainës, Volodymyr Zelenskyy do ti drejtohet deputetëve shqiptarë.

Ndërkohë që sulmet e ashpëra ruse në Ukrainë vazhdojnë, sot Papa Françesku në një intervistë ekskluzive për “Corriere della Serra” shprehet se Kryeministri i Hungarisë, Viktor Orban, i kishte thënë se gjatë takimit që kishte zhvilluar me Presidentin e Rusisë, Vladimir Putin, ai ishte shprehur se sulmin mbi Ukrainë mendonte ta kryente më 9 Maj, në Ditën e fitores mbi nazizmin në Luftën e II-të Botërore.

“Kjo shpjegon nxitimin e përshkallëzimit gjatë këtyre ditëve. Sepse, më nuk është në pyetje vetëm Donbasi por edhe Krimea e Odesa, përkatësisht marrjen e porteve ukrainase në Detin e zi,” u shpreh Papa Françesku për “Corriere della Serra”.