Shtetrrethim, në Shkodër mbledhja e përbashkët e qeverive Shqipëri-Mali i Zi

Qytetarët e Shkodrës tashmë e kanë të qartë, sa herë që gdhihen me forca të shtuara të policisë, e kuptojnë që kryeministri Edi Rama duhet ta vizitoj këtë qytet.

Por sot përveç prezencës së Edi Ramës ndër shkodranë me Gardë, polici dhe FNSH, arsyeja është paksa më e madhe. Qeveria e Shqipërisë dhe ajo e Malit të Zi do të zhvillojnë një mbledhje të përbashkët në qytetin e Shkodrës. Si vend për këtë spektakël qeveritar Edi Rama ka përzgjedhur që të jetë fototeka kombëtare “Marubi”.

Takimi dy palësh do të nisë me ekzekutimin e hymneve kombëtare në pedonalen “Kole Idromeno”, më pas bëhet parakalimi në këmbe deri tek Muzeu Marubi ku do të mbahet  edhe mbledhja.

Pas fjalimeve hapëse, takimi do të vijojë me dyer te mbyllura ku do të nenshkruhen marreveshjet respektive. Në përfundim dy kryeministrat, Rama dhe Markoviç do të kenë konferencën për shtyp.

Ndërsa në orën 12.00 do të mbahet  Forumi i biznesit Shqipëri – Mal i Zi.