Maskarada presidenciale, 21 deputetë të Bashës propozojnë 10 kandidatë për President
Mbledhja e sotme e deputetëve të Lulzim Bashës e thirrur nga Enkelejd Alibeaj për të jetësuar paktin Balla-Alibeaj përfundoi ashtu siç kishte filluar, maskaradë presidenciale! 21 deputetë propozuan 10 kandidatë për President të Republikës duke harruar kushtin kryesor të cilin e theksoi Enkelejd Alibeaj: Antikomunist!
Kështu, 21 deputetët duke përfshirë dhe atë online Zheni Gjergji edhe pse nuk kishte kushte teknike, për President propozuan: Princ Leka, Visar Zhiti, Leonard Demi, Dritan Demiraj, Dashamir Shehi, Jorida Tabaku, Arben Çejku, Rexhep Uka, Halim Kosova dhe Lajla Përnaska.
Pas takimit, Enkelejd Alibeaj tha se nesër do të ketë sërish mbledhje për çështjen e Presidentit:
“Jemi në proces për të dhënë kontributin tonë dhe për këtë ishte unison i të gjithë anëtarëve Pra është e qartë për këdo, për anëtarët e Grupit Parlamentar të PD. Besoj që ky procesi përmbush të gjitha kërkesat që procesi do të duhet të ketë. Nesër pasdite do të ketë një tjetër mbledhje me kolegët tanë me aleatët tanë, dhe besoj se secili ka pasur lirinë të flasë.”, tha Alibeaj duke sqaruar nëse do të ketë një tjetër mbledhje, ku janë të ftuar të marrin pjesë të gjithë deputetët, dhe ata të Rithemelimit.
“Procesi i zgjedhjes së presidenti, është parlamentar. Ky është proces që duhet t’i krijojë deputetëve të Kuvendit, deputetëve tanë, aleatët tanë, t’i krijojmë kushte. Për këdo është e qartë, sot shumica 26 kolegë iu përgjigjën pjesëmarrjes në grupin parlamentar. kjo loja, sa ishin ku ishin, nuk është dinjitoze. Ata janë deputetë të zgjedhur nga PD. Kolegët tanë thanë këtë gjë; duke qenë se është një proces që do të duhet të përfshijë mendimin e shqiptarëve, sot, nesër, do të konsultohen të gjithë anëtarët e grupit, dhe aleatët. Në rregulloren e grupit parlamentar të PD-së. përcaktohet gjithmonë që në fund të mbledhjes bëhet dhe caktimi i datës së radhës së mbledhjes. Është bërë e qartë se sa herë është kërkuar mbledhja e kryesisë së grupit, ajo është mbledhur. Njoftimet janë bërë të plota dhe është detyrim për të ardhur në këto mbledhje,” tha Alibeaj dhe me këtë rast foli dhe për situatë që mund të ndodhë nëse pala tjetër nuk i qëndron kushteve të firmosura, në lidhje me kandidatët e propozuar.
“Po, e drejta për të propozuar është e opozitës, katër emra. Hapi i dytë është ofrimi i palës tjetër që mes katër emrave që besojmë se përmbushin kriteret tona, prej katër duhet të zgjedhin dy. Ky është një mekanizëm pasi procesi është i përbashkët se presidenti është i shqiptarëve jo i një pale. Dhe hapi 3 mes dy kandidaturave duhet zgjedhur një si garanci që nuk është proces farsë, nuk është lojë, por proces që në hapat e parë i jep legjitimitetin e duhur, përfaqësues dhe i mbështetur nga shqiptarët. Dokumenti është i qartë dhe i saktë. Kandidatura unike e do të ketë edhe mbështetjen me firma të secilës palë si garanci që nesër mos thonë nuk na pëlqen. Kjo do të ishte loja. Dokumenti i thotë qartë që jo vetëm që duhet respektuar po në momentin që ka një shmangie nga detyrimet jo vetëm që konsiderohet thyerje por do të bëhet edhe publike. Është proces me një palë të tretë që është publiku shqiptar”, tha Enkelejd Alibeaj.
Ndryshe, deputetë pjesë të kësaj maskarade ishin: Lindita Metaliaj, Kastriot Piroli, Kreshnik Collaku, Ferdinant Xhaferri, Lefter Geshtenja, Saimir Korreshi, Dhurata Çupi, Gazment Bardhi, Bledion Nallbati, Oriola Pampuri, Xhelal Mziu, Jorida Tabaku, Eralda Tase, Dashnor Sula, Flamur Hoxha, Enkelejd Alibeaj, Arbi Agalliu, Gerta Bardeli, Zef Hila, Ramadan Lika dhe Zheni Gjergji (online).
Mbetet për tu parë se cili do të jetë fati i 5 deputetëve që Lulzim Bash ai dha borxh për të krijuar dy grupe parlamentare, Ilda Dhori, Andia Ulliri, Seladin Jakupllari, Merita Bakiu dhe Emilja Koliqi. Do të kthehen në Grupin e PD duke e lënë Konferencën e Kryetarëve vetëm me dy parti, PD dhe PS, apo do ti mbyllë sytë edhe këtë herë Edi Rama, siç i mbyll kur zgjodhi për kryetar të Grupit Parlamentar të PS një njeri si Taulant Balla.
