Bordi i Transparencës sërish me rritje të çmimeve të naftës dhe benzinës

Bordi i Transparencës sërish ka rritur çmimet e naftës dhe benzinës me tendencën drejt çmimeve maksimale historike.

Kështu, nafta do të tregtohet 9 lekë më shumë, 252 lekë për litër, nga 243 lekë sa ishte më parë ndërsa benzina është rritur me 6 lekë për litër, dhe do të tregtohet me 241 lekë për litër nga 235 lekë për litër sa ishte nga data 1 korrik

Ndërkohë çmimi i gazit mbetet i pandryshuar dhe një litër gaz do të vazhdoj të tregtohet me 81 lekë për litër

Çmimet e caktuara nga Bordi i Transparencës do të hynë në fuqi sot datë 5 Korrik ora 18.00 p.m dhe do të jenë të vlefshme deri në mbledhjen e ardhshme të Bordit.

Njoftim:

Bordi i Transparencës në datë 5 Korrik 2022, në mbledhjen e radhës vendosi:

Çmimi i shitjes me pakicë i nënproduktit gasoil i standardit SSH EN 590 të  jetë jo më shumë se 252 lekë/litri, ndërsa i shitjes me shumicë jo më shumë se 240 lekë/litër.

Çmimi i shitjes me pakicë i nënproduktit benzinë e standardit SSH EN  të  jetë jo më shumë se 241 lekë/litri,ndërsa i shitjes me shumicë jo më shumë se 229 lekë/litër.

-Çmimi i shitjes me pakicë i nënproduktit gaz, të jetë 81  lekë/litri me pakicë dhe i shitjes me pakicë 69 Lekë /litri.

Çmimet e caktuara nga Bordi do të hynë në fuqi sot datë 5 Korrik ora 18.00 p.m dhe do të jenë të vlefshme deri në mbledhjen e ardhshme të bordit ku do të pasqyrohen ndryshimet e çmimeve të shitjes.