Rama i përgjigjet Lu: Balili nuk u kap se kishte një lidhje politike, por tani…
Kryeministri Edi Rama i është përgjigjur akuzave të ambasadorit amerikan Donald Lu, sipas të cilit në rastin e Klement Balilit u dështua arrestimi i tij ose për shkak të mungesës së vullnetit, ose për shkak të paaftësisë.
Por Edi Rama ka pohuar se Balili kishte lidhje politike, ishte drejtor dhe në atë kohë ndaj nuk u arrestua.
“‘Policia shqiptare e ka garantuar, që paprekshmëria e individit nuk ekziston më, duan apo nuk duan ta pranojnë shqiptarët apo të huajt. Sot Balili është në kërkim, e në bashkëpunim me partnerët herët ose vonë do të kapet, edhe pse nuk është e lehtë, si tregojnë edhe vendet e tjera për role të tilla që kanë lidhje të forta në territorin e vendeve ku jetojnë”, tha Rama.
Balili ka qenë një ndër drejtorët e LSI-së.
