Rusia braktis Stacionin Ndërkombëtar Hapësinor

Rusia do të ndëpres shfrytëzimin e Stacionit Ndërkombëtar Hapësinor pas vitit 2024, ka bërë të ditur sot shefi i Agjencisë ruse të hapësirës Roskosmos, Juri Borisov.

“Pa dyshim do të plotësojmë të gjitha detyrimet tona ndaj partnerëve në Stacionin Ndërkombëtar Hapësinor,” tha Borisov gjatë mbledhjes me Presidentin e Rusisë, Vladimir Putin, raporton televizioni publik rus.

“Mirëpo, vendimi për ta braktisur stacionin pas vitit 2024 është marrë,” tha ai i bindur se deri atëherë do të filloj formimi i stacionit orbital rus, që do të jetë dhe priroiteti kryesor i programit kombëtar hapësinor.

Borisov është emëruar në krye të Roskosmosit nga mesi i muajit korrik duke zëvendësuar Dmitrij Rogozinin. Deri në atë moment 65-vjeçari Borisov ishte Zv/Kryeministër i ngarkuar me kompleksin ushtarako industrial rus i cili përfshinë edhe hapësirën.

Në vitin 2020, Rusia e humbi monopolin për dërgimin në hapësirë me raketat e saj të vjetëra Sojuz, pasi doli në skenë kompania SpaceX e miliarderit amerikan, Elon Musk.

Bashkëpunimi ruso-perëndimor në hapësirë gjithashtu u godit edhe nga pushtimi i Ukrainës, të cilën Rusia e nisi më 24 Shkurt.

Sanksionet perëndimore që iu vendosën Rusisë prekin dhe industrinë hapësinore dhe mund të kenë ndikim në Stacionin Ndërkombëtar Hapësinor ku mund të trazohen disa furnizime.

Përveç kësaj, sektori hapësinor rus është goditur edhe nga korrupsioni shumëvjeçar dhe mungesa e inovacioneve.