Ronaldo tek Juventus? Allegri ndërpret pushimet, çfarë pritet pas disa orësh

Trajneri i Juventusit, Massimiliano Allegri, ka ndërprerë pushimet dhe sot është takuar me presidentin Andrea Agnelli në Torino.

Kjo pasi bardhezinjtë po punojnë intensivisht për super yllin e Real Madrid, Cristiano Ronaldo, që të arrihet sa më shpejtë marrëveshja për kalimin e tij tek “Zonja e Vjetër”.

Raportimet e fundit që vijnë nga Portugalia, Italia dhe Spanja, flitet se marrëveshja është vetëm disa orë larg.

Allegri kishte qenë me pushime në Trieste para sezonit të ri, por sipas TuttoJuve ai është kthyer në Torino për të takuar me presidentin e klubit.

Dyshja do të diskutojë për transferimet, për Ronaldon që është tema kryesore e ditës.

Ndërkohë që Sky Italia raporton se Juventus është gjithnjë e më e sigurtë se do të arrihet marrëveshja.

Bardhezinjtë janë duke pritur që të kenë një takim që do të mbahet mes presidentit të Real Madridit, Florentino Perez dhe agjentit të Ronaldos, Jorge Mendes.