Spiunia ruse, destinacion të preferuar Bahreinin!

Spiunia ruse futet në mesin e oficerëve të lartë të NATO-s në Itali (2)  

Në Napoli, karriera e Maria Adelës si spiune ruse arrin kulmin. Në tri vitet e ardhshme u bë e njohur në skenën lokale. Hapi butik me bizhuteri dhe mall luksi, më vonë e shndërroi në klub trendi e në fund u bë sekretare e një organizate humanitare ku morën pjesë edhe pjesëtarët e Komandës së NATO-s në Napoli. 

Në butik është tregtuar bizhuteria me brendin e linjës Serein, që ajo deklaronte se vetë e ka dizajnuar. Në fakt, bëhej fjalë për bizhuteri të lirë kineze e cila ishte blerë përmes internetit.

Arriti deri në Lions Club Napoli

Mirëpo, arritja shoqërore e Maria Adelës nuk ishte kufizuar vetëm në publikun e Napolit. Në një moment, në vitin 2015 Maria Adela bëhet sekretare e njërit prej organizatave lokale më atraktive, Lions Club Napoli Monte Nuovo.

Nuk bëhej fjalë vetëm për një degë të thjeshtë të Lions Club, por organizatë e cila shtrihet në gjithë botën dhe merret me punë bamirësie dhe humanitare në bashkësitë lokale. Kjo degë është themeluar nga oficeri i NATO-s me seli në Napoli.

Sipas oficerit gjerman të Bundeswehrit, Thorsten, i cili në vitin 2015 ishte arkatar i kësaj dege të Lions Club, anëtarësia e klubit është dobësuar vitet e shkuara dhe drejtori ekzekutiv i Lions Clubit më të madh në Napoli rekomandoi Maria Adelën, për shkak të lidhjeve të saja ndërkombëtare.

Thorsten kujton se Maria Adela ishte shumë aktive në përpjekjet për revitalizimin e aktiviteteve të klubit, vizitoi të gjitha eventet, e në një moment në vitin 2018, kur anëtarësia po ikte dhe sërish u shfaq mundësia për mbylljen e klubit, ajo u paraqitë edhe vullnetarisht duke theksuar se të gjithëve do t’ju paguan anëtarësinë. 

Maria Adela  shpesh ka komunikuar me personelin e NATO-s dhe u miqësua me shumë oficerë. Një i punësuar në NATO e pranoi një lidhje dashurie që kishte me Maria Adelën. Por jo të gjitha lidhjet që u vendosën, ishin romantike.

U fut ndër anëtarë të lartë të NATO-s

Njëri prej personave që mendohej se ishte mikeshë e Maria Adelës ishte kolonelja Shelia Bryant, në atë kohë kryeinspektore e forcave detare amerikane në Evropë dhe Afrikë.

Bryant iku nga Napoli në majin e vitit 2018 dhe më pas u kandidua në Kongres si kandidate demokrate. Thotë se rrëfimin jetësor të Maria Adelën e konsideronte të habitshëm dhe të pabesueshëm (“Pse do ta braktiste dikush fëmijën e tij në Bashkimin Sovjetik?”), ndërsa burimin e saj të vazhdueshëm të të ardhurave  vështirë të shpjegueshëm (“Hapi butik dhe shpesh ndryshonte banesat në pjesët elite të qytetit  pa burime të besueshme të të ardhurave”).

Bryant thotë se ajo dhe bashkëshorti i saj kanë bërë përpjekje që ti ndihmojnë Maria Adelës, që të tejkaloi atë që mendohej si problem emocional me meshkujt. Këtë përceptim e kanë theksuar edhe Marcelle D’Argy Smith dhe një i njohur i Maria Adelës. Bryant thotë se me Maria Adelën nuk kanë folur për politikë dhe se ajo kishte akses të kufizuar për informacione sekrete ushtarake.

Ajo kujton se Maria Adela ka komunikuar jo vetëm me personel amerikan por edhe atë belg, italian dhe gjerman dhe oficerë të NATO-s.

Edhe pse Maria Adela me siguri kishte akses personal tek shumë oficer të NATO-s dhe forcave detare amerikane në Napoli, nuk dihet nëse kishte ndonjëherë akses fizik në bazën e NATO-s. Në bazë të gjurmëve të ndryshme digjitale dhe kujtimit të njohurve, u vërtetua se ajo ka marrë pjesë në shumë evente që janë organizuar nga NATO ose ushtria amerikane, duke përfshirë ballot vjetore të NATO-s, darkat e ndryshme për mbledhjen e donacioneve dhe ballot vjetore të forcave detare amerikane.

Kujtimet e D’Argy Smith dhe publikimet në rrjetet sociale tregojnë se Maria Adela nga viti 2013 rregullisht ka udhëtuar në Bahrein, me arsyetimin se po merrte pjesë në panairin vjetor të mallit të luksit dhe bizhuterive, Jewellery Arabia.

Shpesh udhëtonte në Bahrein

Pas udhëtimit në vitin 2013, Maria Adela i ka dërguar e-mail D’Argy Smith:

“Në Bahrein gjithçka shkoi mirë, përveç se nuk kemi shitur asgjë. Por, panairi ishte i mrekullueshëm, e dua këtë vend dhe njerëzit që kam njohur atje. Pasi jam kthyer, më është dashur të fluturoj drejt Moskës sepse mamaja ime nuk u ndje mirë. Kam qëndruar atje një javë dhe më pas jam kthyer në Itali. Tani po punoj në katalogun dhe përsosmërinë e bizhuterive. Rreth Krishtlindjeve më duhet sërish të shkoj në Moskë sepse mamaja ime vazhdon të mos jetë mirë.”

Në dhjetor të vitit 2014 në profilin e rrjetit social Facebook të kompanisë së saj është publikuar një fotografi ku shihet se si po i dhuron kapëse për këmishë Serein, kryeministrit të Bahreinit në atë kohë, princit Khalifi bin Salman Al Khalif.

Investiguesit nuk kanë arritur të konfirmojnë lëvizjen dhe komunikimin e rrjetit të Maria Adelës në Bahrein, por ndoshta ia vlenë të theksohet se në këtë vend është baza logjistike e forcave detare amerikane. Në bazë janë mbi 7.000 oficerë dhe ushtarë amerikanë

Por Bahreini nuk ishte destinacioni i vetëm jashtë Napolit ku Maria Adela gjoja udhëtonte për shkaqe biznesi. Përveç udhëtimit në ekspozita të bizhuterive dhe mallit të luksit në Zvicër dhe Gjermani, ajo ka vizituar gjoja edhe Tailandin.

Fluturimi drejt Moskës

Maria Adela për herë të fundit fiktivisht ka udhëtuar drejt Moskës në verën e vitit 2018. Me këtë rast, ajo ka udhëtuar me pasaportën e tretë ruse. Sikurse dhe në dy rastet tjera, kjo pasaportë kishte numrin serik të cilin i kishte ndarë shërbimi sekret ushtarak rus, GRU.

vijon…