Aksion antidrogë në 5 komuna, sekuestrohen drogë, armë dhe…

Policia e Kosovës ka nisur në orët e hershme të mëngjesit një aksion antidrogë në pesë komuna, Pejë, Istog, Klinë, Skenderaj dhe në Mitrovicë, ku janë duke u bastisur 13 lokacione dhe njëkohësisht është siguruar edhe vendi i ngjarjes ku dyshohet se ka plantacion të kanabisit.

“Në fshatin Drejë të Istogut është gjetur plantacion me kanabis dhe do të bëhet asgjësimi i tyre,” tha  zëdhënësi i Prokurorisë së Pejës, Shkodran Nikçi duke folur për aksionin e Prokurorisë Themelore në Pejë, departamenti i krimeve të rënda, ku janë arrestuar disa persona.

Ndryshe, në aksionin i cili po zhvillohet në pesë komuna janë sekuestruar edhe armë, para dhe telefona ndërsa në shënjestër të Prokurorisë janë 13 persona të dyshuar për import dhe shitblerje të paautorizuar të armëve dhe kultivim të bimëve narkotike