Video/ Itali, kapet 1 ton drogë shqiptare me vlerë 10 milionë euro. Ja emrat e 3 skafistëve të arrestuar

Pas një operacioni të madh antidrogë në Itali, policia në Salento ka arritur të ndaloi një gomone me 1 ton marijuanë duke vënë në pranga tre skafistë, dy prej të cilëve shqiptarë nga Vlora. Vlera e drogës në treg, sipas policisë së Salentos është më shumë se 10 milionë euro.

Mediat italiane raportojnë se trafikantë kanë ndryshuar strategji duke u munduar që drogën ta fusin në mes të ditës, me gomonen e cila u përzije me ato të turistëve. Por edhe këtë herë, policia italiane ja doli të identifikojë mjetin lundrues me motorë të fuqishëm e që ishte nisur nga Shqipëria.

Sipas policisë, gjithë sasia e drogës ishte paketuar dhe maskuar në pjesën fundore të skafit, arsye kjo që edhe skafi ishte i zhytur shume poshtë dhe u bë I dyshimtë.  Në momentin që u pikas nga forcat policore ai shtoi shpejtësinë por pas ndjekjes policia arriti të ndaloj skafin ku gjeti drogën e paketuar në 49 pako dhe arrestoi tre skafistët: M. A., 34 vjeç, A. E., 30 vjeç nga Vlora dhe G. M., 65 vjeç nga La Spezia.