Dështon sërish gjyqi për vrasjen e Xhuvanit, Policia s’ka kapacitete të shoqërojë Paplekajn

Seancat gjyqësore nuk dështojnë vetëm për shkak të lojërvae të avokatëve. Në Shqipërinë e Edi Ramës ndodhë që seanca të shtyhet edhe për shkak të mosshoqërimit të dyshuarit nga nga policia e burgjeve.

Kështu sot është shtyrë sërish seanca në ngarkim të ish-efektivit Arbër Papleka, dy ish-drejtorëve të policisë Nikollaq  Palla, Albert Nushi dhe 6 efektivëve të policisë ”Shqiponja” , pasi policia e burgjeve nuk kishte kapacitete për ta shoqëruar Arbër Paplekën në seancë, edhe pse sipas avokatit Marash Nartinaj, Papleka ka dashur të jetë i pranishëm.

“Jo s’kemi një arsye tonën. Është një arsye që nuk varet nga ne. Trupa e shoqërimit nuk e ka shoqëruar Paplekajn sot në seancë. Ai donte të ishte. Sipas tyre në e-mail, në njoftimin për gjykatën kështu ishte,” tha avokati i tij pas gjyqit ku u pyet për arsyen e dhënë nga Policia e Burgjeve.

Ndryshe, seanca e radhës pritet të zhvillohet të premten.