Zgjedhjet për Kongres, demokratët e Biden gati për humbje – mesazhi i fundit i Trump!
Presidenti amerikan, Joe Biden, dhe Ish-Presidenti Donald Trump, i bënë thirrjet e fundit votuesve në New York, respektivisht Florida teksa fushata për zgjedhjet për Kongres hyri në ditën e fundit, kur partia e Bidenit po bëhet gati të humbë edhe në ato pjesë të shtetit ku demokratët zakonisht dalin mirë në zgjedhje.
Presidenti i SHBA, Joe Biden, alarmoi demokratët e vet se në rast të fitores së republikanëve nesër në zgjedhjet për Kongres, demokracia në Amerikë do dobësohet, derisa Ish-Presidenti Donald Tramp paralajmëroi se ndoshta do të kandidoj në zgjedhjet presidenciale të vitit 2024.
Biden duke fol para votuesve në New York, në mbështetje të guvernatores Kathy Hochul, e cila po sfidohet nga kandidati republikan, që ka mbështetjen e Trumpit, Lee Zeldin, tha se zgjedhjet ishin pikë kthese që do të përcaktojnë 20 vitet e ardhshme. Ai u tha votuesve amerikanë se ata do të zgjedhin midis dy vizioneve fundamentalisht të ndryshme për Amerikën.
Ndërkohë Hochul ka marrë mbështetjen e disa prej figurave më të njohura të demokratëve, nga ish-presidenti Bill Clinton, Zv/Presidentja Kamala Harris dhe Ish-Sekretarja e Shtetit, Hillary Clinton.
“Këtë vit votojmë për demokraci,” tha Biden para votuesve në New York ndërsa Trump në Miami foli për zgjedhjet e vjedhura presidenciale ndërsa pëzgjedhjet e ardhshme presidenciale shtoi:
“Me siguri se do të më duhet ta bëjë përsëri, por prisni e do të dëgjoni,” tha Trump duke kritikuar administratën e Biden nga rritja e nivelit të krimit deri te aeroportet e pista.
Nga ana tjetër këshilltarët e Trump se kandidaturën e tij do ta bëjë publike gjatë këtij muaji.
Republikanët kanë kritikuar Bidenin gjatë fushatës, për inflacion të madh dhe rritjen e nivelit të krimit. Ata theksojnë se demokratët nuk mbështesin policinë sa duhet, dhe se numri i veprave kriminale ka shënuar rritje, Madje edhe gjatë pandemisë së koronavirusit, numri i vrasjeve është rritur.
Demokratët kanë problem me humbjen e popullaritetit të Bidenit, arsye kjo që ai nuk ishte prezent në fushata të disa shteteve. Aktualisht vetëm 40 për qind e amerikanëve mbështesin rezultatet e Biden, ka dëshmuar sondazhi i Reuters dhe Ipsos.
