Shkodër, sot u përmbytën edhe 250 Ha. Nën pushtetin e ujit 3020 Ha!

Pas reshjeve të dendura të shiut sot Bashkia Shkodër raporton se tokë e përmbytur është 3020 Ha përkatësisht 250 Ha më shumë se dje në orën 17:00 ndërsa banesa me prezencë uji, oborre e stalla në total janë 155 nga të cilat 2 me prezencë uji brenda në banesë në fshatin Obot.

Ndërkohë kuotat e matura mëngjesin e sotëm, sipas Bashkisë Shkodër janë:

1.Kuota Drin 6.95 m (e pa ndryshuar me oren 17.00)7.50 m kuota max

2.Kuota Liqen 8.88 (e rritur me 10 cm me oren 17.00) 8.70 m kuota max

Ndërkohë sipërfaqe të përmbytura në Bashkinë Shkodë janë sa vijon:

Në Njësinë Administrative Ana Malit ka të përmbytur një sipërfaqe prej 1350 Ha.

Në rrugën e Obotit nuk kalohet (niveli 1.5m), kalueshmëria vetëm me mjetet e kalueshmërisë së lartë ushtarake ( 4 mjete të kalueshmërisë së lartë , 2 varkë e 15 efektivë të FA).

Ujsjellesi Oblika 1 dhe Oblika 2 momentalisht janë jashtë funksionit.

Në fshatin Obot ka rreth 100 banesa me prezencë të larte uji në oborre.

Dajç rruga Darragjat-Shirq e pakalueshme në vendin e quajtur Urrelat arrin në lartësinë 1.6 m, sipërfaqe toke e përmbytur 800 Ha, banesë me prezencë uji 20.

Të dislokuara 2 mjete, 1 varkë dhe 11 efektivë të FA.

Bërdicë 450 Ha, Rrethina e Livade 20 Ha e 5 banesa, Velipojë 400Ha, nuk ka energji elektrike në të gjithë njësinë.

Ka gërryerje të Lumit Kir në afërsi të fshatit Hot i Ri

Në Bahçallëk 1 mjet , 6 efektivë të FA.

Ndërkohë IGJEUM parashikon sot reshje intensive deri lokalisht shumë intensive në qarkund Shkodër. Lumenjtë Drin-Buna dhe Liqeni i Shkodrës do të vazhdojnë të kenë prurje dhe nivele të larta. Për pasojë, përmbytjet në pjesën e Nën Shkodrës dhe zonave periferike të qytetit të Shkodrës në afërsi të Liqenit do të vazhdojnë.

Pritet të ketë vërshime të shpejta të lumenjve si dhe rrëshqitje të dherave.