Evropiani Edi Rama me filozofi indiane i drejtohet BE-së: Karma is a bitch!
“Zgjerimi i Horizonteve Europiane” ishte dhe mund të jetë panel i Forumit Ekonomik të Davosit, por jo kur pjesë e këtij paneli është një evropian si Edi Rama i cili ndërton shtetin e tij drejt BE me filozofi indiane!
Me arrogancë sikur flet me Taulant Ballën dhe Lulzim Bashën, ndonëse vjen nga një shtet i korruptuar nga shefi i tij deri tek fqinji i parë që ka në Surrel, Edi Rama ju flet zyrtarëve të BE se sa të korruptuar që janë, dhe duke harruar moton e tij kriminale se “përgjegjësia është indviduale” i drejtohet në Davos Presidentes së Parlamentit Europian, Roberta Metsola, duke iu referuar skandalit të arrestimit të Zv/Presidentes së PE dhe eurodeputetes greke, Eva Kaili për skandalin Katar-Gate:
“Ne e kuruam tërësisht, por BE donte që pacienti të vraponte, sepse kishin zgjedhjet dhe para sesa të bënin zgjedhjet, nuk mund të na jepnin dritën e gjelbër.
Së dyti, Roberta tha sesa mirë ishte për Maltën që hyri në BE. Më lini të them që procesi ka ndryshuar, ka ndryshuar tërësisht, është bërë procesi më neurotik dhe më i padrejtë që është mirë për ne, është një ushtrim mjaft i mirë i nervave dhe është një transferim mjaft i mirë i njohurive sepse pa BE-në, vendet e Ballkanit nuk do të kishin të ardhme, duke qenë se BE-ja është i vetmi burim njohurie sesi të ndërtohen institucionet, shteti demokratik, e kështu me radhë.
Por, në qoftë se do t’u rezervonin të njejtin trajtim vetë shteteve anëtare, duhet t’iu them dhe nuk po them Malta, por më shumë se gjysma e shteteve anëtare të Bashkimit europian nuk do ta kishin më të mundur të hyjnë në Bashkim Europian ,do ta kishte të pamundur.
Nuk flasim për shtete ish-komuniste, por flas dhe për themeluesit, më besoni.
Ky është realiteti, por për ne, për mua dhe kjo nuk është shaka, BE-ja është destinacioni i vetëm.
Çfarëdo që të kërkojë, edhe nëse nuk mbërrijmë kurrë aty, ajo çfarë është e rëndësishme është që të kemi një shtet të ngjashëm me BE-në, me institucione të mirëfillta, me llogaridhënie të mirëfilltë, e kështu me radhë,” tha Edi Rama duke arritur qëllimin me një thënie tërësisht idioteske.
“Roberta ndjesë, më duhet ta them. Kur doli kjo çështja e korrupsionit tek ju, thashë që: Karma is a bitch!”
Por, pse e përdorë pa lidhje filozofinë indiane Karma ky injorant dhe ish-shkronjës i fjalimeve të Ilir Metës, që shqiptarët e kanë taksirat ta kenë për Kryeministër, kur i drejtohet zyrtarëve të BE dhe u thotë se sa evropianë që është!
Apo, të gjithë që dalin para i konsideron “bitch” të nivelit Balla-Basha, dhe flet për reforma të plotësuara sikur përballë ka një “bitch Karma” si miqtë e tij Vlahutin-Milanoviç!
Në fund, Edi Rama mund të akuzoj BE-në me plotë kuptimin e fjalës meqë ajo vazhdon ta trajtoj si njeri normal edhe kur ai mbronë dy kriminelët më aktual të botës, Vladimir Putin dhe Aleksandar Vuçiç, por, kur ai flet për standardet e larta që i kërkon kjo Evropë, që sipas tij janë më të larta se vendet tashmë anëtare e bënë që dhe At Gjergj Fishtës ti mpihet dora në varrë për kritikat e detajuara që kishte adresuar për Evropën!
Por, kot nuk quhet Edi Rama dhe është komunist, e plotëson kushtin të jetë dhe idiot, ndërsa thotë:
“Nëse do aplikoheshin këto standarte, gjysma e vendeve anëtare nuk do të mund të ishin pjesë e BE!”
Ndryshe, për dallim nga Kryeministri i tyre, shqiptarët janë të qartë se standardi i vetëm evropian që e ka plotësuar në tërësi kreu i tyre i qeverisë është vetëm ndihma pa rezervë që i jep Serbisë.
