Toka në Turqi nuk po gjenë qetësi, rreth 5.000 të vdekur! OBSH vlerësim shokues!
Toka në Turqi nuk po gjenë qetësi, lëkundjet vazhdojnë dhe i fundit me fuqi 5.7 të shkallës Rihter u shënua mëngjesin e sotëm në orën 8:50 ndërkohë numri i të vdekurëve në dy tërmetet shkatërrimtare që goditën dje tokën turke dhe atë siriane aktualisht është rreth 5.000. Tërmetet kanë lanë pas vetes edhe dhjetëra mijëra të plagosur, dhjetëra mijëra pa kulm mbi kokë dhe qytete të rrafshuara me tokë.
Dhe ndërsa ekipet e kërkim-shpëtimit vazhdojnë punën pa pushim duke nxjerrë njerëz nga gërmadha, ku vetëm për disa orë numri i vdekurëve u rritë për 460 persona, Organizata Botërore e Shëndetësisë vlerëson se numri i viktimave në ditët në vijim mund të shkojë deri në 20.000 persona.
#BREAKING Death toll from Monday’s earthquakes in southern Türkiye rises to 3,381, says disaster agency pic.twitter.com/vaywgG4H8t
— ANADOLU AGENCY (@anadoluagency) February 7, 2023
Për vetëm disa orë, raporton Agjencia e lajmeve Anadoly duke ju referuar Drejtorisë për katastrofa dhe emergjenca, në Turqi nga 2.921 numri i të vdekurëve shkoi në 3.381 persona, ndërkohë ky numër në Siri, raportohet se në orët e mëngjesit ka shkuar në 1.559, duke e çuar numrin e të vdekurëve në 3.559.
Por, nga kjo zonë tmerri vijnë dhe lajme të mira! Ekipet e kërkim shpëtimit gjatë natës, në borë e shi dhe temperatura ekstremisht të ulëta kanë arritur të shpëtojnë shumë jetë njerëzish që ishin nën gërmadhat që la tërmeti, ndërsa veçohet rasti i një 7 vjeçareje e cila në orët e para të mëngjesit, pas 20 orëve të tmerrit doli nga gërmadhat në rroba gjumi ndërsa reporterët e AFP po filmonin në Hatay operacionin e kërkim-shpëtimit.
“Ku është mamaja ime?” këto ishin fjalët e para që u tha shpëtimtarit që e mori në krah.
Moti i keq, raporton AFP vështirëson edhe këtë operacion si dhe fati e atyre që përfunduan në çadra që në këto temperatura të ulëta i janë nënshtruar rrezikut të hipotermisë.
Ndërkohë Associated Press raporton për një zjarr i cili ka shpërthyer në Portin Iskender në Mesdhe, i cili shpërtheu pas tërmetit dhe nuk po fiket dot për dy ditë. Në video shihet një tym i dendur mbi konteinerët që kanë marrë flakë pas tërmetit.
Agjencia turke e lajmeve Anadoly raporton se anija e rojes bregdetare turke po ndihmon në fikjen e zjarrit.
Ndryshe, tërmeti i cili goditi dje Turqinë në orën me magnitudë 7.8 të shkallës Rihter dhe disa orë më pas edhe një magnitudë 7.5, la pas rreth 5.000 të vrarë, rreth 20 mijë të plagosur, mbi 20.000 pallate të rrënuara duke përfshirë dhe spitalin në İskenderun.
Zyrtarisht, Turqia ka kërkuar ndihmën e NATO-s në zgjidhjen e pasojave të tërmetit i cili vlerësohet ndër më shkatërrimtarët në 100 vitet e fundit, pas atij të vitit 1939 kur në krahinën lindore Erzincan humbën jetën 33.000 persona.
Sipas Presidentit të Turqisë, Reccep Tayyip Erdogan, i cili shpalli dhe 7 ditë zie, ndihmë kanë ofruar 45 shtete.
