Nesër ditë prove, Berisha: RamGonigali nuk duhet të hyjë në Parlament!

Duke e cilësuar ditën e protestës së nesërme para Parlamentit të Shqipërisë, si ditë prove, Kryetari i Partisë Demokratike, Sali Berisha, i ka bërë thirrje çdo qytetari që ka minimumin e mundësive, të lërë çdo gjë dhe të vijë nesër në orën 10:00 në protestë sepse RamGonigali nuk duhet të hyjë në Parlament.

“Nesër është betejë, ditë beteje!

McGonigal është në burg, Edi Rama e ka vendin në burg.

Akti që ka kryer Edi Rama ndaj SHBA dhe ndaj Shqipërisë, krimi i rëndë që ka kryer kundër pluralizmit politik dhe kundër sigurisë së SHBA, meriton një ndëshkim ekzemplar.

Faza e parë e dërgimit të tij në banesën e tradhtarëve, armiqve të pluralizmit dhe demokracisë, është largimi i tij nga pushteti.

Ndaj dhe çdo ditë, çdo betejë ka një rëndësi të jashtëzakonshme.

Sot ata, për turpin e tyre, marrin përsipër të përjashtojnë një grup tjetër deputetësh nga parlamenti pasi Edi Rama pas një muaj do shkojë në sallën e parlamentit, por ka frikë dhe tmerr nga prania jonë, ndaj kërkon të na përgjysmojë.

Kjo është e vërteta.

Pasi u kthye nga Dubai, ku takoi ortakun e vëllait të vet, Amant Josifin, për të mos thënë edhe disa të tjerë, tani ka vendosur të hyjë në parlament. Ky përbën një akt të shëmtuar të tij dhe të pseudomazhorancës së tij,” u shpreh Sali Berisha duke përcaktuar si detyrë madhore të protest së nesërme, moslejimin e hyrjes së Kryeministrit Edi Rama në Parlament:

“Nesër është një ditë prove, prove e fortë.

Protesta është thirrur në ora 10, sepse në orën 10, RamGonigali hyn në parlament.

A ka përdhosje më të madhe për atë parlament se hyrja e kryeministrit si RamGonigali?

Prandaj qytetarë, siç zhvilluam të hënën që kaloi një betejë të shkëlqyer brenda dhe jashtë parlamentit, i bëj thirrje cilitdo, që ka minimumin e mundësive, të lërë çdo gjë dhe të vijë nesër në orën 10 në protestë.
RamGonigali nuk duhet të hyjë në parlament. Edhe po hyri, duhet të mbetet nën presionin e tmerrshëm të revolucionit aty ku është, brenda parlamentit.”

Në fund, Kryetari i Partisë Demokratike u përqendrua edge tej data 3 Mars, ditë kur Gjykat ae Apelit të jap vendimin për fatin e PD, nëse do t’ja dhuroi hyzmeqarëve të Edi Ramës apo do të respektoj vendimin e shkall së parë.

“Së fundmi, u bëj thirrje shqiptarëve të programojnë të gjithë axhendën me datën 3 mars, do të jenë në Tiranë në një protestë epike për nga përmasat.

Theksoj se protesta ka vetëm një objektiv: Edi Ramën, Edi Ramën, Edi Ramën.

Nuk ka të bëjë as me gjykatën, as me institucionet e tjera.

Ne nuk bëjmë veprime në paragjykim.

PD e ka vendimin e gjykatës. Gjykimi është për të pranuar palë Alibashën. Nuk ka gjykatë, pse e bëri Blerina Muçi nën ndikimin e Edi Ramës dhe Yuri Kim, të tjerë nuk mund ta bëjnë një akt të tillë sepse përmbyset sistemi i drejtësisë nëse shpall palë atë që nuk ka qenë palë, ti hap rrugën e rrëzimit të çdo vendimi gjyqësor me urdhra politikë,” tha Kryetari i Partisë Demokratike, Sali Berisha, duke përfunduar:

“Objektivi ynë është Edi Rama, ky është një armik i egër që po bën gjithçka për të shpëtuar lëkurën e tij, pasi ka kryer vepra të tmerrshme, akte të pabesisë ekstreme ndaj SHBA, NATO-s, sigurisë së tyre, por edhe akte antikushtetuese ndaj demokracisë dhe pluralizmit në Shqipëri.”

Fjala e kreut të PD, Sali Berisha, në mbledhjen e Grupit Parlamentar

Përshëndetje!

Me ngjirje zëri, por do mundohem ta kursej për nesër. Se nesër është ditë beteje, ndaj dhe sot jam shumë kursimtar për zërin.

McGonigal është në burg. Edi Rama e ka vendin në burg. Akti që ka kryer Edi Rama ndaj SHBA dhe ndaj Shqipërisë, krimi i rëndë që ka kryer ndaj pluralizmit politik dhe kundër sigurisë së SHBA, meriton një ndëshkim ekzemplar.

Faza e parë e dërgimit të tij në banesën e tradhëtarëve, armiqve të pluralizmit të demokracisë është largimi i tij nga pushteti. Ndaj dhe çdo ditë, çdo betejë ka një rëndësi të jashtëzakonshme.

Sot ata për turpin e tyre marrin përsipër të përjashtojnë edhe një grup tjetër tonin, sepse Edi Rama pas një muaji vendos të shkojë në sallën e parlamentit, por ka frikë dhe tmerr nga prania jonë dhe kërkon të na stërpërgjysmojë.

Pra, pasi u kthyen nga Dubai, krahas princit të kurorës takoi dhe ortakun e vëllait të vet, Amant Josifin, për të mos thënë dhe disa të tjerë, tani ka vendosur që të hyjë në parlament.

Ky përbën një akt të shëmtuar të tijën dhe pseudo-mazhorancës së tij është kthyer absoulutisht në kohën e diktaturës staliniste.

Vetëm në diktaturë një deputet bëhej përgjegjës për ato që fliste në parlament dhe jashtë parlamenti, dhe kjo po ndodh sot në këtë parlament. Ne nuk kemi bërë gjë tjetër, vetëm kemi mbrojtur interesat e zgjedhësve tanë. Në rast se edhe në parlamentët e botës, edhe me ligj, deputeti mund të mbajë foltoren, jo 6, po edhe 40 orë pa ndërprerje, edhe kjo njihet si e drejtë e tija. Këtu Linda e Parlamentit, që e ka shndërruar në një klub mos fol, mos fol dhe mjaft, mjaft. Parlamenti është bërë i padurueshëm për qytetarët. Qytetarët kanë një neveri të jashtëzakonshme. Prapë ne do qëndrojmë në parlament me vendosmërinë më të madhe.

Ortaku, korruptori i McGonigal nuk mund të ketë vend më si kryeministër i Shqipërisë.

Jo! Ai duhet të ikë!

Ngritja e komisionit hetimor parlamentar nga opozita është jetik.

Është jetik sepse veprimtaria e grupit kriminal McGonigal në Shqipëri ka qenë një veprimtari intensive, shumëplanëshe, e ngërthyer me qeveritarë, me zyrtarë, me gjykatës, me prokurorë, me gjithçka në funksion të pushtetit të Edi Ramës. Ndaj dhe natyrisht kundër sigurisë së SHBA, se çdo akt i korruptimit të tij, ka kërcënuar sigurinë e SHBA.

Vendi është në terrorin e narkoshtetit, siç e shihni.

Në Sarandë zhduken gjurmët e një hoteli nga një ngarkesë tritoli që rrezikoi 30 banesa. Në Vlorë kapen mina me sahat dhe ngarkesa të mëdha tritoli. Kamerat e kriminelëve, shkruante sot Financial Times, po kontrollojnë gjithë Shqipërinë. Vilat janë shndërruar në shtëpi bari kudo. Cilido që do të njihet me një narkoshtet, e ftoj të vijë në Shqipëri. Dhe ky është narkoshteti i Edi Ramës.

Edhe kjo përbën një imperativë tjetër shumë të rëndësishme të largimit të tij një minutë e më parë.

Ndërkohë, vjedhjet po rrokin qiellin. Nuk njohin kufij, Shpallin tendera. Janë vërsulurur si lubi mbi paratë dhe pasuritë e shqiptarëve nën shembullin e Edi Ramës. Kjo përbën një fatkeqësi të madhe për shqiptarët. Një varfërim të përditshëm të tyre. Një mjerim gjithnjë në rritje. Një vrasje shprese dhe Edi Rama në organizatën e tij kriminale kërkon t’i mbyllë gojën në parlament opozitës, që s’do ta arrijë kurrë këtë.

Ndaj dhe opozita në parlament është më e domosdoshme se kurrë.

Së fundmi unë dua të përshëndes autoritetet italiane, të cilat i dhanë azil politik Adriatik Llallës, Prokurorit të Përgjithshëm. Po pse i përshëndes unë?

Unë nuk them se Adriatik Llalla ishte një prokuror i fortë apo, pa të meta, por shqiptarët duhet ta dinë se Adriatik Llalla u sanksionua sepse guxoi të denoncojë kompanitë e George Sorosit dhe Rex Tillersonit.Kjo është e vërteta. Kjo është me dokumente. Kompani të cilat nuk respektonin ligjet e vendit. Dhe, sapo njoftoi Kongresin e SHBA për këto veprime, ai në mënyrë hakmarrëse, u shpall non-grata. Kjo është e vërteta!

Beteja e Donald Lu-së, publike ndaj prokurorit, unë nuk them se ishte pa të meta, por te prokurorët dhe te gjykatësit, gjithnjë shteti duhet të ketë një sens, dhe ky sens është se ata për shkak të detyrës, dënojnë vrasës,dënojnë trafikantët.

Në këtë sens, nuk hidhen në rrugë, siç i hedh Edi Rama ata që nuk zbatojnë urdhrat.

Pse u dënua Llalla? I vunë nja dhjetë padi dhe përfunduan te rritja e vlerës së pronës ligjore e pronës 100%. Ndaj dhe në këtë kontekst, thashë edhe njëherë, u bëj thirrje autoriteteve italiane të ndërmarrin një hetim për rastin e Llallës. Po. Të ndërmarrin një hetim të plotë se nuk është vetëm punë diskriminimi siç shkruan vendimi, jo jo, janë më të thella, sepse mund të shërbejë si kazus për të nxjerrë mësime shumë të vyera për Shqipërinë, për Italinë, për Europën dhe SHBA.

Së fundmi, u bëj thirrje shqiptarëve të programojnë të gjithë agjendën me datën 3 mars. Do të jenë në Tiranë në një protestë epike për nga përmasat. Theksoj se protesta ka vetëm një objektiv: Edi Ramën, Edi Ramën, Edi Ramën. Nuk ka të bëjë as me gjykatën, as me institucionet e tjera.

Ne nuk bëjmë veprime në paragjykim.

PD e ka vendimin e gjykatës. Për çfarë është gjykimi? Gjykimi është për të pranuar palë Alibashën. Nuk ka gjykatë, pse e bëri Blerina Muçi nën ndikimin nën ndikimin absolut të Edi Ramës dhe Yuri Kim, të tjerë nuk mund ta bëjnë një akt të tillë sepse kuptojnë që përmbyset sistemi i drejtësisë nëse shpall palë atë që nuk ka qenë palë në një vendim, t’i hapë rrugën e rrëzimit të çdo vendimi gjyqësor me urdhra politikë.

Objektivi ynë është Edi Rama. Ky është një armik i egër i cili që po bën gjithçka për të shpëtuar lëkurën e tij, pasi ka kryer vepra të tmerrshme, akte pabesie ekstreme ndaj SHBA, NATO-s, sigurisë së tyre, por edhe akte anti-kushtetuese ndaj demokracisë dhe pluralizmit në Shqipëri.

Unë kam besim se PD do të mobilizojë të gjitha forcat e saj për një protestë të jashtëzakonshme. Më datën 3 mars revolucioni fton çdo shqiptar të marrë pjesë dhe të çojë përpara kauzën e tij.

Nesër është një ditë prove, prove e fortë.

Protesta është thirrur në ora 10, sepse në orën 10, RamGonigali hyn në parlament.

A ka përdhosje më të madhe për atë parlament se hyrja e kryeministrit si RamGonigali? A ka përdhosje më të madhe se fjala e tij aty?

Prandaj qytetarë, siç zhvilluam të hënën që kaloi një betejë të shkëlqyer brenda dhe jashtë parlamentit, i bëj thirrje cilitdo, që ka minimumin e mundësive, të lërë çdo gjë dhe të vijë nesër në orën 10 në protestë.

RamGonigali nuk duhet të hyjë në parlament. Edhe po hyri, duhet të mbetet nën presionin e tmerrshëm të revolucionit aty ku është, dhe brenda parlamentit.

Faleminderit!