Turqi, 296 orë pas tërmetit në Hatay shpëtohen nga rrënojat 3 persona, njëri prej tyre fëmijë

Në rrënojat e tërmetit shkatërrimtar të 6 Shkurtit në Turqi, 296 orë pas tërmetit shpëtuan një grua, një burrë dhe një fëmijë identitetet e të cilëve nuk janë përcaktuar ende.

Nga rrënojat e pallatit Kanatlı në qendër të rajonit Antakya në qytetin Hatay, janë shpëtuar 296 orë pas tërmetit 3 persona, njëri prej tyre fëmijë, raporton Anadolu.

Ekipet kryen punime të kërkim-shpëtimit në rrënojat e një ndërtese të shembur në rrugën Türkmenbaşı në lagjen General Şükrü Kanatlı.

Türkiye, 296 orë pas tërmetit në Hatay shpëtohen nga rrënojat 3 persona, njëri prej tyre fëmijë https://t.co/TyZPaLaJtD pic.twitter.com/y9KaXX7Yd3

— ANADOLU AGENCY (AL) (@aa_albanian) February 18, 2023

Në punimet intensive të kryera nga ekipet e kërkim-shpëtimit në mesin e të cilëve morën pjesë edhe ato të ardhur nga Kirgistani, u identifikuan të gjallë 3 persona.

Ekipet u intensifikuan në zonën e identifikuar në rrënoja dhe 296 orë pas tërmetit shpëtuan një grua, një burrë dhe një fëmijë identitetet e të cilëve nuk janë përcaktuar ende.

Të lënduarit u dërguan në spital me ambulanca.

Ndryshe, më shumë se 40.000 njerëz nga Turqia dhe e gjithë vazhdon operacionet e kërkim-shpëtimit në gjithë juglindjen e Turqisë, ka bërë të ditur Drejtoria për katastrofa dhe raste emergjente, AFAD.

Deri më sot, raportohet se nga tërmeti i fuqishëm i 6 Shkurtit me magnitudë 7.8 të shkallës Rihter me epiqendër rreth 26 kilometra nga qyteti Nurdagi dhe rreth 33 kilometra larg qytetit Gaziantep, pasuar me disa pasgoditje të fuqishme, numri i të vdekurëve ka shkuar në 39.672 në Turqi, dhe në Sirinë fqinje mbi 5.800..