Parashikimi i motit për datë 10 Mars, ja çfarë pritet

Parashikimi i motit për datë 10 Mars:

Sot priten reshje intensive deri lokalisht shumë intensive në qarqet Shkodër dhe Kukës, ndërsa në qarqet Dibër dhe Lezhë priten reshje intensive.

Në qarqet Durrës, Tiranë, Elbasan, Vlorë dhe Gjirokastër priten reshje mesatare deri lokalisht intensive, ndërsa në qarqet e tjerë reshje të dobëta deri lokalisht mesatare.

Reshjet në shumicën e qarqeve do të shoqërohen me shtrëngata.

Në qarqet Shkodër, Kukës dhe Lezhë, sipas parashikimeve të Institutit të Gjeoshkencave, IGJEUM, mund të ketë vërshime të shpejta të lumenjve të vegjël malorë dhe rrëshqitje të dherave. Në zonat urbane, në këto qarqe mund të shfaqen probleme me përmbytje të lokalizuara, në varësi të gjendjes së kanalizimeve.

Era pritet të fryjë e lehtë deri mesatare, ndërsa në bregdet deri e fortë.

Temperaturat minimale dhe maksimale:

Në bregdet: 13 / 18 °C

Në vendet e ulëta: 12 / 17 °C

Në vendet malore: 7 / 11 °C