Bruxelles, policia belge kontroll në selinë e Partisë Popullore Europiane
Policia belge sot ka kontrolluar selinë e Partisë Popullore Europiane, EPP, në Bruxelles!
“Policët belgë kanë kontrolluar katin e parë dhe të tretë të selisë së partisë në Rue du Commerce,” është shprehur një burim për Euroactiv.com..
Sipas informacioneve të para, policia ka konfiskuar disa kompjuterë në lidhje me hetimin i cili po zhvillohet për korrupsionin e pretenduar gjatë fushatës për zgjedhjet e BE në vitin 2019.
Përfaqësuesi i CDU, Mario Voigt ishte drejtues i fushatës digjitale të EPP të Manfred Weber gjatë fushatës zgjedhore për Parlamentin Europian të vitit 2019, e hetimet janë drejtuar në ndarjen e kontratave për fushatën zgjedhore të një kompanie në Thüringer, raportojnë mediat gjermane.
Voigt aktualisht është kreu i CDU në shtetin federal gjerman Thüringer. Shtatorin e vitit të kaluar, komisioni për drejtësi i parlamentit krahinor i hoqi imunitetin deri në përfundim të hetimit të prokurorit gjerman, por nuk është e qartë nëse kjo ka lidhje me këtë rast.
Përmes një komuniate të shkurt EPP konfirmoi se “përfaqësuesit e policisë belge dhe gjermane kanë vizituar selinë e partisë në Bruxellesu” sot më 4 Prill, duke shtuar se “vizita është e lidhur me hetimin i cili po zhvillohet në Thüringer, në Gjermani”.
“Partia bashkëpunon me transparencë të plotë me autoritetet kompetente, duke i ofruar të gjitha informacionet dhe dokumentet që kërkohen,” thekson EPP.
Ndryshe, Partia Popullore Europiane me orientim konservator, është grupi më i vjetër dhe më i madh në Parlamentin Evropian.
