Seancë plenare, Kryeministri i Kosovës raporton për punën dyvjeçare të Qeverisë

Në seancën e sotme plenare të Parlamentit të Kosovë, Kryeministri Albin Kurti pritet të raportoj për punën dyvjeçare të Qeverisë ndërsa si Pikë e 7. e Rendit të Ditës pritet shqyrtimi i dytë i Projektligjit shumë të debatuar për ndryshimin dhe plotësimin e Ligjit për energjinë.

Në seancën e sotme me 11 pika të rendit të ditës, me interes pritet edhe i shumëprituri Projektligj për pensionet e zyrtarëve policor të Policisë së Kosovës dhe punonjësit e Inspektoratit Policor të Kosovës me autorizime policore, i cili më në fund, pas shumë premtimeve të qeverive me radhë, sot zë vend si Pika 8. e Rendit të Ditës dhe pritet të miratohet.

Ndryshe, seanca e sotme plenare e cila fillon në orën 10:00, ka këtë Rend të Ditës:

1. Miratimi i procesverbaleve të seancave të mëparshme,

2. Deklarimet jashtë rendit të ditës,

3. Pyetjet parlamentare,

4. Shqyrtimi i Propozim-Rezolutës për punën dyvjeçare të Qeverisë së Kosovës,

5. Shqyrtimi i dytë i Projektligjit nr.08/L-110 për Agjencinë e Kosovës për Akreditim,

6. Shqyrtimi i dytë i Projektligjit nr.08/L-155 për sanksionet e shёnjestruara kundër shkelësve të huaj të drejtave të njeriut,

7. Shqyrtimi i dytë i Projektligjit nr.08/L-201 për ndryshimin dhe plotësimin e Ligjit nr.05/L-081 për energjinë,

8. Shqyrtimi i parë i Projektligjit nr.08/L-160 për pensionet e zyrtarëve policor të Policisë së Kosovës dhe  punonjësit e Inspektoratit Policor të Kosovës me autorizime policore,

9. Shqyrtimi i parë i Projektligjit nr.08/L-220 për çmimin e produkteve medicinale,

10. Shqyrtimi i rekomandimit lidhur me auditimin e procesit të shitjeve me negocim direkt në Agjencinë Kosovare të Privatizimit,

11. Shqyrtimi i propozimit për ndryshimin dhe plotësimin e Vendimit të seancës plenare, nr.08-V-321, i datës 23 qershor 2022.