Edi Rama pazar politik me pagat e deputetëve, paralajmëron rritjen e çmimit të energjisë

Rritja e pagave për administratën filloi duke u sulmuar paga e deputetëve dhe sot në prag të miratimit, Kryeministri Edi Rama sërish sulmoi po këto paga të përfaqësuesve të popullit pa e cenuar atë të Kryeministrit, duke folur për pagë që mund të jetë dhe paga minimale ose ndryshe të rriten pas një viti kur të jenë rritur të githa pagat.

“Është hipokrizi për të vënë duart në kokë për çfarë dëgjova më parë, sepse niveli i pagave nuk përcaktohen sipas qejfit por me logjikë të ekspertëve. Ka një piramidë pagash. Kur flas, flas gjëra që i mësoj shumë mirë për fushën që unë nuk di, që do të thotë që nuk mund të ndërtosh një piramidë pagash dhe të vendosësh Presidentin me më pak pagë sesa e një mësuesi.

Kemi bërë ne një lajthitje me vetëdije, madje e kemi tepruar me sistemin e drejtësie, por ajo është bërë dhe nuk zhbëhet. Është lajthitje se nuk mund të kemi prokurorë që paguhen më shumë se Presidenti. Mund ta kenë punën me më shumë stres, por nuk mund ta kenë pagën më të lartë.

Lërini jetimoret, nëse doni hajde vendosni pagën minimale për deputetët, hajdeni! Nëse doni t’i shkojmë deri në fund logjikë se të gjithë janë në hallë më të mëdha se ju, hajde vendosim. Unë mendoj se nuk i hyhet këtij monopati për t’u tallur ata që na ndjekin,” tha Edi Rama duke paralajmëruar votën kundër këtijë Projektligji ndërsa foli për një pricip të çuditshëm që vetëm pagën e tij nuk e ul.

“Në një gjë jam kundër, se votoj këtë pikë. Bëni ça duhet të bëni. Paga duhet të vendoset sot dhe duhet të bëhet rritja e pagës deri te më i fundit Nëse mësuesëve dhe mjekëve ju themi se do të merrni sot këtë rritje dhe rritjen tjetër do e merrni në harkun e vitit dhe paga juaj do të jetë plotë, atëherë për deputetët dhe ministrat paga duhet të hyjë në fuqi dhe të vijë në llogari të gjithsecilit kur të ketë bërë për të gjithë. Se pjesa tjetër është e pamoralshme. Kush merr më shumë, duhet të bëjë më shumë. Ky është principi unë.”

Nga foltorja e Parlamentit ku predikoi plotë 35 minuta, asnjë deputetë e ministër nuk u ngazëllye me votën kundër të Kryeministrit meqë ishte vetëm show, por Edi Rama nga foltorja e Parlamentit kishte një lajm të ri për ata që dhanë ose shitën votën, fashën e re të energjisë elektrike duke nënkuptuar rritjen e çmimit të dritave.

“Po ju kujtoj të gjithëve atyre që na ndjekin se sot vazhdon që në faturën e energjisë elektrike për të gjitha familjet dhe biznesin e vogël dhe pjesën dërrmuese të biznesit, të jetë dora e qeverisë. Ajo që paguajnë familjet, nuk është vlera reale e faturës. Familjet shqiptare dhe biznesi i vogël paguan ekzaktësisht sa paguante me çmimin përpara krizës. Ka rënë çmimi i energjisë në tregun ndërkombëtar, por nuk është kthyer aty ku ishte. Qeveria ka pasur dhe ka vullnetin e plotë që të paguaj. Me ardhjen verës konsumi do të rritet dhe do të duhet të rihapim diskutimin e fashës,” tha Edi Rama duke përfunduar:

“Sot për sot jemi në këto kushte që vazhdojmë të paguajnë. Nëse do të ishim duke pasur një ekonomi lënguese, ku merret një shifër aty dhe një shifër atje si ajo përralla e asaj species që donte të zbukurohej, atëherë sigurisht që kjo rritje pagash nuk mund të bëhet. Ekonomia është rritur, ndryshe nga çfarë është thënë.”