Mustafa Nano, Ambasador i vendit më të mjerë të Evropës në Zvicër
Pse i shërbejnë gazetarët dhe analistët verbërisht Kryeministrit, nuk ishte dhe nuk është pyetje aq më shumë kur një njeri si Mustafa Nano që i tha në sy mikut të tij Edi Rama se “Shqipëria është vendi më i mjerë i Evropës” pranon të bëhet Ambasador i këtij vendi të mjerë për faj të këtij ministri! Madje, në debat e sipër, Mustafa Nano i tha Edi Ramës se është dhe “vendi më i qelbur i Evropës edhe për fajin e Kryeministrit”.
A janë ngjyrat e çorapëve që bashkuan shijen diplomatike të këtyre dy personazheve ma pa lidhje në Shqipëri, nuk dihet, por Mustafa Nano do të jetë Ambasador i Shqipërisë në Zvicër ndërsa Ilir Gjoni si anglishtfolës i mirë nga Zvicra do spostohet në selinë e NATO-s!
Ndërkohë Ish-Deputeti dhe dekori i të gjitha studiove televizive në mbrojtje të regjimit të Kryeministrit Rama, Ervin Bushati, do të shpërblehet me postin e Ambasadorit në SHBA, Ridi Kurtezi do ta plotësoj postin e Ambasadorit në Emiratet e Bashkuara i cili është bosh pas dorëheqjes së Ermal Dredhës i cili sot është shefi i Lungo Mares në Vlorë pasi postin e kryebashkiakut Kryeministri nuk bën kompromis, Ish-Deputetja e PS, Vasilika Hysi, do të drejtojë Misionin e Përhershëm të Shqipërisë pranë Zyrës së OKB në Gjenevë ndërsa Ish-Deputeti tjetër socialist, Fate Velaj u emërua Ambasador në Vjenë.
Debati i plotë Nano-Rama:
Mustafa Nano: Unë mendoj që edhe sikur ta kishim marrë Po-në e BE-së, Shqipëria do mbetej kjo si është. Vendi më i mjerë i Evropës.
Edi Rama: Po pse?
Mustafa Nano: E tregoi mbledhja e fundit e Këshillit të Evropës. Maqedonia u veçua.
Edi Rama: Maqedonia ka 14 vjet që rri tek dera. Ne e kemi vitin e dytë. Maqedonia ndërroi emër, ndërroi identitet.
Mustafa Nano: Do na lejosh të shprehim ndonjë gjë.
Edi Rama: S’ta lejo të thuash është vendi më i mjerë…këmbë mbi këmbë.
Mustafa Nano: Çfarë kjo arrogancë në vendin më të qelbur të Evropës edhe për fajin e kryeministrit. Pse s’të pëlqen kjo e imja por të pëlqejnë poturet e tua. Nëse më lini unë ua shpjegoj. Është tradicionalisht më i mjeri por këto 6 vjet është bërë më i mjerë.
Edi Rama: Pse jemi më i mjeri? Më jep një fakt!
Mustafa Nano: Nuk ka azilant malazez, nuk ka azilant maqedonas, ka azilant shqiptarë.
Edi Rama: Harron strukturën e atyre vendeve. Në Mal të Zi dhe në Serbi kanë strukturë sociale tjetër. Më thuaj në këto 6 vjet një gjë që është më keq.
Mustafa Nano: Unë kur shoh nga shtëpia gazetar që nervozohen me kryeministrin sepse dua që kryeministrin e vendit tim ta respektoj. Ç’është kjo që shkon me poture në Bruksel dhe çuditesh nga qëndrimi im.
Edi Rama: Edhe ti shikon nga pantallonat që mësove ngjyrat e veshjeve nga unë. Edhe ti shikon nga pantallonat ëëë…. I lash unë ngjyrat i more ti. Unë s’të them pse i more ngjyrat.
Mustafa Nano: Dëgjo…
Edi Rama: Si mund të biesh ti në këtë nivel, të shkosh me poture në Bruksel.
Mustafa Nano: Vetëm Duterte dhe Chaves kanë shkuar me rroba…
Edi Rama: Kanë shkuar me rroba ushtarake.
Mustafa Nano: Veshjet e tua janë stër testuar dhe e vetmja gjë që nuk ka ndryshuar është veshja e politikanëve. Arsyeja është që nëpërmjet pamjet, duhet t’u përcjellë atyre masave sensin e masës, seriozitetit. E ka një logjikë. Shkoni nga kompleksi i inferioriteti.
Edi Rama: Mua më merr të keqen për kompleks inferioriteti.
Mustafa Nano: Kompelsk inferioriteti si shqiptar.
