Rrëmbimi i tre policëve kosovarë/ Edi Rama, ja kush quhet “arrestim” sipas Kodit Penal të Serbisë
Presidenti i Serbisë, Aleksandar Vuçiç, tha se Serbia është shtet ligjor, po me këtë shtet Kryeministri Edi Rama firmosi një marrëveshje në kuadër të Ballkanit të Hapur, por rasti i rrëmbimit të tre policëve të Kosovës, sipas ligjeve të Serbisë, tregon se Serbia është po ajo e kriminelit Slobodan Milosheviç, pavarësisht se Vuçiç, shefi i diplomacisë evropiane Josep Borrell dhe vetë Kryeministri Edi Rama, rrëmbimin e policëve e quajnë ARRESTIM!
Sikur policët kosovarë ta kenë shkelë kufirin ashtu siç e sanksionon Neni 350 i Kodit Penal të Republikës së Serbisë për kalimin ilegal të kufirit shtetëror, sipas Kodit të Procedurës Penale, sot, përveç se do të dihej se ku janë të arrestuarit dhe do të kishin kontaktuar me familjarët, ata do të ishin të lirë!
Të nisim nga dita e arrestimit 14 Qershor! Policia e Serbisë bëri të ditur se ka arrestuar tre pjesëtarë të Policisë së Kosovës:
“Në brezin administrativ me Kosovën, thellë në territorin e Serbisë qendrore, pjesëtarët e Ministrisë së Brendshme, grupi Antiterrorist i njësisë së veçantë, sot ka lokalizuar dhe arrestuar tre pjesëtarët e policisë kosovare, R. Z., B.S. dhe M.SH.
- Tre të arrestuarit ishin të armatosur me pushkë automatike dhe pajisje të plotë luftarake me GPS, hartadhe pajisje tjera.
Policia në bashkëpunim me prokurorinë kompetente do vazhdojë punën e mëtejme,” thekson ndër të tjera komunikata e MPB të Serbisë ndërsa Presidenti i saj Vuçiç jep garanci për zbatimin e Ligjit!
Për çudi, Kryeministri i Shqipërisë, Edi Rama, i cili përveç miqësisë me Vuçiçin, duke ju referuar Kushtetutës duhej të ishte më i interesuari të reagoj për këtë shkelje të sovranitetit të jashtëm të Serbisë dhe ngritjen e tensioneve, por hatërmbetjet me Albin Kurtin bënë që ai të mos i besoj autoriteteve të Kosovës të cilat flisnin për “rrëmbim” por të pres njoftimin e KFOR-it!
Meqë KFOR nuk i dha informacion as pas 24 orëve, Edi Rama reagoi por sërish e cilësoi arrestim!
Po, çfarë thotë Kodi i Procedurës Penale i Republikës së Serbisë për arrestimin e policisë?!
Arrestimi i Policisë
Neni 291
Policia mund ta arrestoj ndonjë person nëse ekziston arsyeja për përcaktimin e paraburgimit ( Neni 211), por është e obliguar që këtë person pa vonesë ta paraqes para prokurorit publik. Me këtë rast, policia do ti dorëzoj prokurorit publik raportin mbi shkaqet dhe kohën e arrestimit.
I arrestuari duhet të informohet për të drejtat e t ij nga Neni 69 i këtij Kodi.
Nëse për shkaqe të pashmangshme zbatimi i arrestimi ka zgjatë më shumë se tetë ore, policia duhet ta arsyetoj para prokurorit këtë kohëzgjatje, e prokruroi publik të bëjë një procesverbal.
Prokurori publik në këtë procesverbal do të përfshijë dhe deklaratën e të arrestuar mbi kohën dhe vendin e arrestimit.
Arrestimi me rastin e veprës penale
Neni 292
Çdokush mund të arrestoj personin me rastin e kryerjes së veprës penale.
I arrestuari menjëherë duhet ti dorëzohet prokurorit publik ose policisë, e nëse kjo nuk është e mundshme, menjëherë të informohet njëri prek këtyre organeve dhe të procedohet në përputhje me këtë Kod (Neni 291 dhe 292)
Marrja në pyetje e të arrestuarit
Neni 293
Prokurori publik është i obliguar që ta sqaroj të arrestuarin për drejtat nga Neni 69 Pika 1 e këtij Kodi dhe ti mundësoj që në prani të tij, me telefon ose mjet tjetër elektronik të informoj avokatin ose me ndërmjetësimin e anëtarëve të familjes ose personi të tretë, identeti i të cilit duhet zbuluar prokurorit, e nëse duhet ti ndihmoj ta gjejë avokatin.
Nëse i arrestuari nuk e siguron avokatin brenda 24 orëve dhe kjo i është mundësuar bazuar në Pikën 1. të këtij Neni ose deklaron se nuk do angazhojë avokat, prokurori publik është i obliguar pa humbur kohë që ta dëgjoj.
Nëse në rast të mbrojtjes së detyruar (Neni 74) i arrestuari nuk merr avokat brenda 24 orëve nga momenti kur i është bërë e ditur kjo e drejtë, do ti caktohet avokati sipas detyrës zyrtare.
Menjëherë pas marrjes në pyetje, prokurori publik vendos nëse do ta liroj të arrestuarin ose do ti propozoj gjyqtarit të çështjes masën e paraburgimit.
Me kërkesën e të arrestuarit ose avokatit, anëtarit të familjes së të arrestuarit ose ndonjë personi me të cilin i arrestuari jeton, prokurori publik mund ta caktoj një kontroll nga mjeku.
Vendimin për caktimin e mjekut dhe procesverbalin e marrjes në pyetje të mjekut, prokruri do ti bashkangjes me shkresa.
Mbajtja e të dyshuarit
Neni 294
Personi i arrestuar në përputhje me Nenin 291 Pika 1. dhe Nenin 292 Pika 1. e këtij Kodi, si dhe të dyshuarin nga Neni 289. Pika 1. dhe 2. të këtij Kodi, prokurori mund ta mbajë më së shumëti 48 orë nga momenti i arrestimit.
Për mbajtje, prokurori publik ose, me miratimin e tij, policia menjëherë, e më së vonti në afat prej dy orëve nga momenti kur të arrestuarit i është komunikuar se është mbajtur, vendos dhe i dorëzon vendimin. Në vendim duhet të theksohen veprat për të cilat i dyshuari ngarkohet, arsyet e dyshimit, ora e privimit nga liria dhe koha e fillimit të mbajtjes.
Pra, nuk është KFOR-i, siç thotë Edi Rama, ai i cili duhet të pyetet se ku janë të arretsuarit por këtë e përcakton Kodi i Procedurën Penali i Republikës së Serbisë që i mundësonë që këtë ta dijnë të parët familjarët dhe të angazhojnë avokatin.
24 orë kanë kaluar dhe ai nuk ka angazhuar avokat sepse as familjarët nuk i ka kontaktuar!
Pak pa kaluar 48 orë I dërguari i BE në dialogun Kosovë-Serbi, Miroslav Lajçak, na thotë një gjë të madhe se ai e din “ku është i arrestuari”!
Por, bazuar në Kodin e Procedurës Penale të Republikës së Serbisë, nëse Serbia është shtet ligjor siç e konsideron Josep Borrell dhe Gabriel Escobar, Aleksandar Vuçiçit nuk i duhet bërë presion ti lirojë tre policët kosovarë që, po sipas këtij Kodi, janë të rrëmbyer, por ta zbatoj ligjin!©pafrikë.al
