Albin Kurti nuk e takoi, Edi Rama vazhdoi rrugën drej Sarajevës
Pas gjithë vrerit që nxjerri nga goja për Kryeministrin e Kosovës, Albin Kurti, në televizionin e mikut të tij, shtetasit serb Shkëlqim Devolli, Kryeministri Edi Rama pa realizuar takimin me Kryeministri Kurti vazhdoi turin e tij ballkanik drejt kryeqytetit të Bosnje Hercegovinës, Sarajevë!
“dhe me një përshëndetje për krejt Kosovën, vazhdojmë drejt Sarajevës për ditën e dytë të takimeve në rajon.”
Ndryshe, pas shpërfilljes dhe përbuzjes që i bëri Kosovës dhe Kryeministrit të saj Albin Kurti, Edi Rama nuk prit në vizitën e pakonfirmuar nga Zyra e Kryeministrit.
Dhe, siç vepron gjithmonë Edi Rama, gjeti një media serbe dhe shfryu gjithë dufin që kishte për Kosovën, kosovarët dhe Albin Kurtin.
“Për mua është shumë marksist, por biseda bëhet. Kam shumë marrëdhënie pozitive me atë person. Me kryeministrin e Kosovës në këtë moment kam një divergjencë të madhe, një vetë-izolim i çuditshëm që po ja imponon vetë Kosova zyrtarëve partnerëve dhe miqve tanë. Masat janë të përkohshme, janë lënduese,” tha Edi Rama duke e cilësuar Kryeministrin e Kosovës edhe indeferent:
“As në rininë time nuk i kam shkuar mbrapa një Zhuljete indiferente me aq shumë kërkesa sa i kam bërë personalisht Albinit për këtë takim, edhe për takimin e mëparshëm. Për këtë takim se është pjesë e një procesi ku Kosova është aty si një nga 6 vendet. Nuk e konceptoja dot që në raportin që do bëjmë për Berlinin të shkruajmë nga Kosova s’kemi ndonjë material, propozim se s’kemi arritur të kontaktojmë.”
Dhe, çudi kur vetëm një pyetje normale i vjen nga panelistët, Edi Rama si në çdo komunikim me gazetarët shqiptarë ç’orientohet! Ja pse nuk ka mbajtur Shqipëria qëndrim për bandat në veri, sipas Kryeministrit:
“Shqipëria nuk është një parti politike në Kosovë. Unë s’kam parti politike të regjistruar në Kosovë, madje kur Albini erdhi në Shqipëri për të garuar me një parti në siglën e tij kundër partisë sime, e kam pritur për drekë. Tani ç’lidhje ka kjo Shqipëria nuk ka mbështetur qëndrimin e Kosovës për bandat, ne jemi një shtet, shtet tjetër. Ky është interpretim i shtrembër i një realiteti që nuk ka të bëjë fare me të vërtetën.”
Broçkullat tjera të këtij njeriu që fundin e Albin Kurtit e sheh si të Jaser Arafatit dhe Kosovës si të Palestinës, nuk ja vlenë as të komentohet.
Në fund, pas gjithë kësaj maskarade që i ofroi Kosovës në emër të përgatitjes së takimit të radhës së Procesit të Berlinit në Tiranë, ai vazhdoi rrugën drejt Sarajevës dhe Beogradit.
