Pas 100 viteve në Paris, nga viti 2025 do lejohet larja në lumin Sena

Në Paris, banorët dhe turistët do të mund të lahen sërish në lumin Sena nga vitit 2025, kjo është hera e parë pas 100 viteve, paralajmëroi Kryetarja e Bashkisë, Anne Hidalgo.

Kryetarja e Bashkisë Paris tha se do të jenë tre vende që do të hapen për publikun, qendra ujore që pjesërisht është e hapur dhe dy pika për larje afër kullës Eiffel.

Ndryshe, larja në lumin Sena zyrtarisht është ndaluar në vitin 1923, për shkak të cilësisë së keqe të ujit ndonëse u praktikua deri në fillim të viteve ’60.

Ky projekt i ri është nxitur nga Lojërat Olimpike që pritet të mbahen në Paris në vitin 2024, ku disa prej garave në not do të mbahen në lumin Sena.

Përpjekjet për përmirësimin e cilësisë së ujit vazhdojnë ndërsa Bashkia thotë se ka investuar tashmë 1.4 miliardë euro që lumin Sena ta bëjë të pastër në Paris dhe më gjërë.