Sot nis viti i ri shkollor, 29 mijë nxënës ulen në banka për herë të parë

Sot nis viti i ri shkollor 2023-2024 për 350 mijë nxënës në të gjitha institucionet e arsimit parauniversitar.

Për herë të parë në shkollë do shkojnë rreth 29 mijë nxënës, ndërsa në klasat e 10-ta rreth 27 mijë nxënës.

Gjatë këtij viti shkollor kanë përfituar tekste falas të gjithë nxënësit e arsimit bazë nga klasa e parë deri në klasën e 9-të, dhe 16 kategori në nevojë, të veçanta, në arsimin e mesëm; Jetimët, nxënësit me vështirësi ekonomike, me aftësi të kufizuara, komuniteti rom dhe egjiptian etj.

Risi e tekstevee falas këtë vit është për nxënësit nga klasa e parë në të tretë, se do të jenë me vetëm një përdorim, pra ata nuk e kanë me detyrim ti kthejnë librat në fund të vitit shkollor.

Gjatë këtij viti shkollor, gjithashtu, përmes paketës “Siguria në shkolla” do të garantohet më shumë siguri e mbrojtje, për të parandaluar çdo lloj rreziku që mund t’i shfaqet nxënësve.

Në bazë të udhëzimit të Ministrisë së Arsimit, ky vit do të mbarojë më 14 qershor, ndërsa pushimet për rreth dy javë do të jenë në muajin dhjetor, ndërsa 7 ditë të tjera janë në javën e parë të prillit.

Ndryshe, në vitin 1991 në të gjitha institucionet e arsimit parauniversitar ishin 690 mijë nxënës, ose sa gjysma e numrit të nxënësve që filluan sot vitin shkollor.