Eksploruesi amerikan nxirret nga një prej shpellave më të thella në Turqi

Eksploruesi amerikan Mark Dickey është nxjerrë me sukses nga shpella e tretë më e thellë e Turqisë, ku ishte bllokuar për një javë.

Më shumë se 150 persona janë përfshirë në përpjekjet për ta shpëtuar eksploruesin Dickey, pas rritjes së problemeve me stomak në shpellën Morka, më 2 shtator, raporton RFE.

Organizatorët thanë se përpjekjet për nxjerrjen e tij kanë qenë ndër më të komplikuarat ndonjëherë.

Pika më e ulët e shpellës Morka, në pjesën jugore, arrin deri në 1.3 kilometra thellësi.

Sipas Federatës turke për Shpella, Dickey është nxjerrë jashtë në mesnatë, sipas orës lokale.

Carl Heitmeyer nga Ekipi i përgjigjes fillestare New Jersey – grup që e udhëheq Dickey – ka konfirmuar se eksploruesi është shpëtuar dhe i ka falënderuar të gjithë ata që kanë ndikuar.

Dickey është cituar të ketë thënë se ka besuar që nuk do të shpëtonte, pas përkeqësimit të gjendjes shëndetësore.

Në përpjekjet për nxjerrin e tij nga shpella janë përfshirë ekipe nga Kroacia dhe Hungaria.

Mark Dickey, me origjinë nga New Jersey, raporton RFE, është eksplorues i shpellave me përvojë mbi 20-vjeçare.