Thaçi pas takimit me Mogherinin: U rikonfirmua arritja e një marrëveshje ligjërisht të obligueshme!

Presidenti i Kosovës, Hashim Thaçi pas takimit bashkë me udhëheqësit tjerë institucional me përfaqësuesen e lartë për Politikë të Jashtme dhe Siguri pranë Bashkimit Evropian, Federica Mogherini se është rikonfirmuar përkushtimi i Kosovës për dinamizmin e fazës së fundit të dialogut me Serbinë, si dhe arritjen e një marrëveshje ligjërisht të obligueshme.

Kjo, sipas tij, do t’i hapte rrugë njohjes së Kosovës nga Serbia dhe anëtarësimit në strukturat euroatlantike.

Ja dhe postimi i plotë në Facebook:

Bashkë me udhëheqësit institucionalë dhe liderët politikë të partive politike parlamentare, që janë pjesë e koalicionit qeverisës, takuam përfaqësuesen e lartë për Politikë të Jashtme të Bashkimit Evropian, Federica Mogherini.

Në këtë takim rikonfirmuam përkushtimin tonë për dinamizmin e fazës së fundit të dialogut për normalizimin e marrëdhënieve ndërmjet Kosovës dhe Serbisë dhe arritjen e një marrëveshjeje ligjërisht të obligueshme.

Kjo do të t’i hapë rrugë njohjes së Kosovës nga Serbia dhe anëtarësimit të Kosovës në strukturat euroatlanike.

Kosova edhe në takimet e radhës do të jetë unike si në përfaqësim ashtu edhe në qëndrimet politike.