Banorët e fermës së Edi Ramës, Berisha: Buxhetin e kaluan për 5 minuta!

E paralajmëruar si seancë maratonë e Parlamentit të Shqipërisë për debatin dhe miratimin e buxhetit 2024, përfundoi pas vetëm pesë miutash duke u miratuar akti themelor i vitit nën flakadanë dhe protesta opozitare.

“Kështu siç nisi, ne erdhëm këtu për të bllokuar procesin, në mënyrë që buxheti, akt themelor i vitit në parlament, të merrte të gjithë dimensionet që i takonin, por ata e kaluan atë brenda 5 minutash, në frikë dhe tmerr,” tha Sali Berisha pas mbylljes së seancë brenda pesë minutash duke shtuar se e votuan, por nuk votoi askush, nuk ka asnjë evidencë për votimin, as për ndonjë gjë tjetër, përveç cicërimit si papagall të shërbëtores së Edi Ramës, Lindita Nikollës ndërsa përfundoi:

“Kjo dëshmon drejtësinë e betejës pa kthim të opozitës, e cila edhe sot korri një fitore në betejën e saj pa kthim, pasi u bëri të pamundur hajdutëve të mbrojnë vjedhjen e tyre të mashtrojnë shqiptarët me vjedhjen e tyre. I bëri të pamundur Edi Ramës të ligjërojë për buxhetin e vjedhjes më të madhe në histori, buxhetin e gjobës më të madhe ndaj shqiptarëve.

Beteja pa kthim e opozitës vazhdon.”

Fjala e plotë:

Ju e patë vetë skenën më të shëmtuar në historinë 32-vjeçare të parlamentit.

Ju e patë vetë se si banorët e fermës së Edi Ramës, lexo George Orwellit, kaluan brenda 5 minutash, aktin themelor të vitit, buxhetin e shtetit.

E kaluan në mënyrë antikushtetuese, antiligjore, sepse ky buxhet erdhi këtu jo mbi bazën e procedurave që përcakton Kushtetuta dhe rregullorja e Kuvendit, por erdhi këtu si një proces klandestin, i zhvilluar në thyerje të plotë të rregullores dhe ligjeve me zoom, i zhvilluar në mejhane me ahengje dhe në mënyrë të paparë.

Kështu siç nisi, ne erdhëm këtu për të bllokuar procesin, në mënyrë që buxheti, akt themelor i vitit në parlament, të merrte të gjithë dimensionet që i takonin, por ata e kaluan atë brenda 5 minutash, në frikë dhe tmerr.

E votuan, por nuk votoi askush, nuk ka asnjë evidencë për votimin, as për ndonjë gjë tjetër, përveç cicërimit si papagall të shërbëtores së Edi Ramës, Lindita Nikollës.

Kjo dëshmon drejtësinë e betejës pa kthim të opozitës, e cila edhe sot korri një fitore në betejën e saj pa kthim, pasi u bëri të pamundur hajdutëve të mbrojnë vjedhjen e tyre të mashtrojnë shqiptarët me vjedhjen e tyre. I bëri të pamundur Edi Ramës të ligjërojë për buxhetin e vjedhjes më të madhe në histori, buxhetin e gjobës më të madhe ndaj shqiptarëve.

Beteja pa kthim e opozitës vazhdon.

Pyetje: Z. Berisha, ditën e premte paralajmëruat se qytetarët do të shihnin protestën dhe rezistencën më të fuqishme të opozitës. A ishte kjo sot…

Sali Berisha: Mendoj se sot ishte kulmore, pasi sot nuk kaloi asgjë. Ata flakadanë dogjën procedurën antikushtetuese aty. Mos i shihni si flakadanë, por si një mjet që dogji procedurën antikushtetuese. Ata flakadanë dogjën procedurën antikushtetuese të shumicës.

Pyetje: Ju patët kryeministrin Rama përballë dhe nuk i artikuluat asnjë nga akuzat që i ka hedhur opozita …

Sali Berisha: Ai, Rama po ndiqte Facebook-un tim nga dhoma. Aty me se do i thoja unë. Aty ishte kohë proteste. Unë ia numërova një për një dhe ai po ndiqte një nga një nga zyra e Lindës.

Pyetje: Akuzoheni nga PD zyrtare se po bashkëpunoni kundër interesave të qytetarëve duke mos lejuar diskutimin e projektbuxhetit dhe miratimin e disa amendamenteve të paraqitur prej tyre ….

Sali Berisha: Identike me akuzat që i dërgon me shkrim Taulant Balla. Nuk ja vlen ti komentojmë këto.

Pyetje: Ligjet po miratohen dhe nuk u diskutua aspak për projekt buxhetin.

Sali Berisha: Sepse procedura e buxhetit ishte antikushtetuese, sepse procedura ishte antiligjore.

Pyetje: Do e çoni në Kushtetuese miratimin e buxhetit z. Berisha, meqë e cilësoni antikushtetuese.

Sali Berisha: Tani, që është e qartë që është antikushtetuese.

Pyetje: Hapat e tjerë …

Sali Berisha: Hapat, jemi në vazhdim. Sot ne dështuam gjithçka që mazhoranca kishte planifikuar për të mashtruar shqiptarët. Ata do ta votonin me zoom, kanë kaluar në ilegalitet. Ne nuk bëjmë luftë me virtualin, me realin.

Pyetje: Beteja juaj nisi për komisionet hetimore dhe jo për të  penguar bisedimet për buxhetin…

Sali Berisha: Beteja jonë nisi për këto arsye; së pari mohimin e të drejtës kushtetuese për komisionet parlamentare hetimore. Së dyti, mohimin e të drejtës legjislative duke mos sjellë në parlament 32 ligje, rezoluta dhe amendamente të opozitës. Së treti, nisi për mohimin e të drejtës së opozitës për të zgjedhur përfaqësuesit e vet, por për të bërë të gjithë lojën me përfaqësues të zgjedhur nga Rama. Së katërti, ministra, Edi Rama nuk paraqiten në interpelanca siç përcaktohet. Pra, deputetët e opozitës nisën betejën e tyre pa kthim, pasi defakto janë këtu pa të drejta dhe këto të drejta nuk janë të tyre personale, por janë të popullit opozitar, janë vetoja që Kushtetuta i jep popullit opozitar për kontrollin nëpërmjet komisioneve.

Pyetje: A mendoni se në këtë mënyrë do të fitoni të drejtat tuaja në Kuvendin e Shqipërisë.

Sali Berisha: Beteja është ‘e tan epitas’, do të fitojmë.

Pyetje: Z. Berisha, mendoni se është ezauruar hapi që ju keni ndjekur me bllokim seancash dhe duhet një hap tjetër, vendimmarrje e grupit parlamentar, për të vendosur hapin e radhës?

Sali Berisha: Gjithçka në kohën e duhur, por siç e shihni beteja është pa kthim. Parlamenti monist nuk ekziston. Qëllimi ynë është që parlamenti të ketë pluralizmin e vet. Ne mund të iknim nga parlamenti, ta bojkotojmë dhe kemi të drejtë 100%, të gjitha janë në axhendë. Pra ne jemi në respekt të parlamentit. Ne nuk bojkotojmë parlamentin se këtë do Edi Rama. Ne po zhvillojmë betejën pa kthim në parlament sepse kemi konstatuar se ka një mirëkuptim të gjerë dhe mbështetje të madhe në popull për këtë që po bëjmë.  Faleminderit!