Spanjë, sekuestrohen 10.9 ton kokainë të bandave nga Ballkani

Policia spanjolle ka sekuestruar në portin veriperëndimor Vigo, 7.5 ton kokainë nga Amerika e Jugut, e cila ishte fshehur brenda ngarkesës me peshk ton të ngrirë e cila duhej të shpërndahej nëpër Europë, dhe 3.4 ton kokainë në kontejner në juglindje të qytetit Valencia.

Sekuestrimi i 7.5 tonëve kokainë është sasia më e madh që është kapur në historinë e Galicias, rajonit atlantik, bregu shkëmbor i së cilës shërben me dekada të tëra për trafik të drogës, raporton policia e Spanjës.

Në operacionin e dytë gjithashtu është kapur kokainë prej 3.5 tonëve e cila ishte fshehur në kontejner të anijeve në portin lindor të Valencias.

Janë arrestuar gjithsej 20 persona që i takojnë dy organizatave me prejardhje nga Ballkani që, siç raporton policia spanjolle, i dha “goditje të fortë” njërës prej rrjeteve më të fuqishme evropiane për shpërndarjen e drogës.

Rrjeti i trafikut të drogës ka themeluar kompaninë për import, për tregti ndërkombëtare të peshkut të ngrirë dhe prodhimeve të detit, si dhe investime në pasuritë e paluajtshme, thekson policia përmes komunikatës.

Gjatë mbikqyrjes disamujore, thekson policia, oficerët e saj kanë konfirmuar se kompania mbulon implikimin e saj në trafikun e drogës, me dërgimin e numrit të madh të kontejnerëve përmes detit.