Video/ “Pa Kosovën vdesim” – Fshati i Shqipërisë siguron jetesën përtej kufirit

Dragashi, qytet jugor i Kosovës në kufi me Shqipërinë, është bërë shpëtim për banorët e fshatit Borje të shtetit fqinj.

Për shkak të largësisë dhe rrugës së paasfaltuar për në qytetin e Kukësit, ata janë kryesisht të izoluar nga pjesa tjetër e Shqipërisë dhe shërbimet e përditshme i marrin në Kosovë.

“Do të vdesim, çfarë do të bëjmë, se nuk kemi ku të shkojmë pa punë,” janë të qartë banorët e fshatit Borje të Shqipërisë që furnizimet me ushqim për veten dhe bagëtinë, si dhe shërbimet shëndetësore arrijnë ti realizojnë në Dragash të Kosovës ku trajtohen si shtetas kosovar. Madje në Qendrën Mjekësore thonë se të gjithë banorët e zonës kufitare të Shqipërisë trajtohen pa pagesë dhe në çdo kohë./RFE/