Triumfi idealeve tona, Berisha: Ta shndërrojmë këtë dimër, në pranverën e vërtetë të demokracisë!
Duke e quajtur vitin që lamë pas, 2023-shin, si viti i përpjekjeve antiligjore, antikushtetuese, banditeske të Edi Ramës për të shkatërruar opozitën shqiptare, Kryetari i Partisë Demokratike, Sali Berisha, i bëri thirrje mbështetësve të tij ta shndërrojnë këtë dimër në pranverën e vërtetë të demokracisë, triumfit të idealeve të dempokratëve.
“Askush mos mendojë se Rama është shumicë, por do të them ju këtu, se një pakicë idealiste është dhjetë herë më e fuqishme se një shumicë amorfe, se një shumicë e trembur, se një shumicë e frikësuar.
Ndaj dhe ne jemi të betuar, të vendosur që këtë betejë pa kthim ta vazhdojmë gjer në përmbysjen e regjimit antishqiptar, diktatorial, hajdut, trafikantë, narkomanë të Edi Ramës,” tha Kryetari i Partisë Demokratike, Sali Berisha, në ditën e tetë të protestës së mbështetësve para shtëpisë së tij, duke përfunduar:
“Përshëndetjet më të përzemërta demokratëve në mbarë Shqipërinë dhe i bëj thirrje, le të shndërrojmë ne këtë dimër në pranverën e vërtetë të demokracisë, triumfit të idealeve tona.
Rikthimit të shpresës tek shqiptarët dhe përmbysje së regjimit të kalbur të Edi Ramës, regjimit antishqiptar të Edi Ramës.
Së fundmi, në rrugën e Shpresës vërshon drita, në Surrel thellohet terri, errësira.
Edi Rama nuk ke të ardhme.
Rroftë Shqipëria, rrofshi ju.”
Fjala e plotë:
Të dashur demokrate e demokratë, vëllezër e motra, zonja e zotërinj.
Përshëndetjet e mia më të përzemërta, mirënjohjen më të pakufishme, për praninë tuaj këtu, vazhdimin e një beteje e cila ndoshta është ndër më të rëndësishmet në historinë dhe faktet e këtij vendi, një beteje që synon çlirimin e Shqipërisë nga diktatura e bandave, krimit dhe drogës.
Miqtë e mi, në emër tuaj do të ftoj sonte çdo qytetar shqiptar, që banon në Shqipëri, jashtë Shqipërisë, të ndalet për një moment të shkurtër dhe të analizojmë vitin që lamë pas.
Çfarë ishte për Shqipërinë dhe shqiptarët viti 2023.
Viti 2023 për çdo shqiptar ishte viti i përpjekjeve antiligjore, antikushtetuese, banditeske të Edi Ramës për të shkatërruar opozitën shqiptare.
Ishte viti në të cilin Edi Rama me lakejtë e tij në gjykata, pasi i mori logon dhe vulën PD-së, vazhdoi skenarin e tij për të lenë vendin pa opozitë.
Në përpjekjen për të përqendruar të gjitha pushtetet në duart e tij, Edi Rama aktivizoi me 14 maj, vrasës serial, liroi nga burgjet elementët më të rrezikshëm të krimit të organizuar.
I solli ata nga jashtë, vendosi qytetet në terrorin e tyre.
Përjashtoi nga listat e votimit në qendrat e tyre mbi 1.3 milionë shqiptarë.
Hoqi nga fletëvotimi emrin e PD-së, logon e saj dhe kryetarin e saj, Sali Berisha.
Përjashtoi të drejtën e opozitës për komisionerë në gjysmën e qendrave të votimit.
Përdori dhjetëra e qindra milionë fonde publike për të blerë fonde dhe influenca.
Megjithë këtë, opozita ja doli të konfirmohet e pamposhtur. Në revanshin e tij kundër demokracisë, Edi Rama vazhdoi i pandalshëm, i mohoi opozitës deputetëve të saj, të drejtat themelore kushtetuese. E nxori veten mbi kushtetutën, mbi ligjin.
Ai nuk pranoi të hetohet për aktet e shëmtuara kriminale, ai nuk pranoi të hetohet për krimet që ka kryer me organizatën e tij kriminale që quhet qeveri.
Ai nuk pranoi të hetohet për vjedhjet e mëdha të pasurive publike, për shndërrimin e Durrësit në parajsën e tij dhe të trafikantëve të tij, duke i plaçkitur shqiptarëve në port rreth 4 mln euro tokë dhe pronë publike.
Ai nuk pranoi të hetohet për skandalin më të madh të kohërave, ndërkombëtar, Rama-McGoninal, në të cilin Edi Rama, Charles McGonigal, Agron Neza dhe Dorian Duçka, funksionuan si një grup kriminal i vërtetë.
Në këtë skandal Edi Rama mobilizoi McGonigalin kundër Sali Berishës dhe opozitës shqiptare.
Në këtë skandal Edi Rama vendosi sistemin e gjobave shumëmilionëshe mbi biznesmenët shqiptarë.
Në këtë skandal Edi Rama hoqi e vendosi sikur të ishin të familjes së tij, licencat e naftës pronë publike e shqiptarëve.
Edi Rama në vjedhjet, skandalet e tij nuk di të ndalur.
Institucionet e vendit u shndërruan në mënyrë përfundimtare, në armë të diktaturës së re.
Shërbimi Informativ, Policia e Shtetit, patronazhistët, aktivistët të gjithë u sulën kundër opozitës. U vërsulën për ti grabitur votat shqiptarëve.
Ky ishte viti i amnistive të shekullit, ku skapistët e partisë për të amnistuar Edi Ramën, amnistuan vjedhjen e qindra milionë eurove.
Miqtë e mi!
Le të marrim vetëm disa fakte.
Ju të gjithë e dini se, Erion Veliaj është pronari së bashku me Edi Ramën i djegësit të Tiranës që gjer sot ka zhdukur 130 mln euro.
Pra nga taksat e qytetarëve të Tiranës dhe qarkut të Tiranës, janë paguar për ndërtimin e inceneratorit të Tiranës, 138 mln euro deri më sot, dhe ato janë zhdukur pa nam dhe nishan.
Asnjë nga 5 objektet që duhej ndërtuar, nuk ekziston.
Erion Veliaj me firmën e vulën e tij, ishte përgjegjës për të ndjekur çdo ditë, javë, muaj procesin e ndërtimit të tyre.
Por Erion Veliaj nuk ndiqte ato, ndiqte paratë që depozitonte me Edi Ramën në bankat ofshore, kurse shqiptarëve u linte plehrat e Tiranës.
Miqtë e mi!
Edi Rama duke amnistuar Erion Veliajn, ka amnistuar veten e tij. Sepse kompaninë e tij me Veliajn e vlerësoi të parën, i dha 8% bonus. Pa firmën e tij, kurrë vjedhja e fushës së Sharrës nuk mund të ndodhte.
A po e mbrojnë skapistët Edi Ramën, por e mbrojnë në verbërinë më të madhe sepse vetë ata janë bashkëpunëtor në krimet e tij, në krimet e tyre.
Këto ditë mësova se mercenarët e skapit kanë thirrur në skap, shoferin e kryetarit të një dege të PD-së. E kanë thirrur sepse ditën e votimit i kanë gjetur në makinë, gjënë më normale, listat e votimit të qendrës së tij të votimit, të cilat janë publike nuk kanë asnjë sekret.
I kanë gjetur rrogën e të shoqes që e kishte marrë atë ditë dhe po e çonte në shtëpi.
Këto ditë thërrasin kryetarin e partisë dhe ky u thotë, pse më thërrisni, pse jam thirrur këtu. Ai e shikon me kërcënim.
Ky kryetari ynë, i thotë; mos duhet të jap dorëheqjen dhe ai i thotë që duhej ta kishe dhënë me kohë dorëheqjen nga partia jote.
Pra këta kriminelë, ky grup i strukturuar kriminal në një institucion të diktaturës, mbyll dosjet e mëdha të krimit, 184, 139. Vangjush Dakon nuk e bënë përgjegjës për dosjen elektorale, por për të çarat e një pallati.
Kurse për vjedhjet, Edi Ramën, Damian Gjiknurin, Ulsi Manjën, Pjerin Ndreu e shumë të tjerë, as nuk janë thirrur dhe nuk thirren fare.
Çfarë do të thotë kjo miqtë e miq për demokracinë dhe PD-në. Kjo do të thotë, ministra, Edi Rama, vidhni sa të mundni zgjedhjet se ne u mbyllim dosjet.
Në këtë mënyrë këta kriminelë që nuk kanë as moral as nder, shndërrohen në kriminelë elektoralë, aq sa Edi Rama, Damian Gjiknuri, sa Ulsi Manja, sa Pjerin Ndreu, Vangjush Dako dhe gjithë të tjerët.
Ftoj shqiptarët të pyesin sot dhe veten, cila është alternativa jonë, a kemi ne të ardhme në këtë vend, pa votën e lirë.
Pse gjer në vitin 2013, shqiptarët lëviznin të lirë, por popullata rritje nga viti në vit.
Kurse sot, ky vit do të hyjë në histori si viti në të cilin numri i shqiptarëve u pakësua në mënyrë dramatike.
Shqiptarët faktikisht u përgjysmuan.
Ky vit do të hyjë në histori si viti në të cilin, vdekjet dominuan mbi lindjet në këtë vend, ndofta hera e parë në të gjitha kohërat.
Nëse shtrojmë këto pyetje ne kemi vetëm një përgjigje; ose të largohemi të gjithë nga ky vend. Një liri të vetme që Rama respekton.
Ose të ngrihemi fuqishëm të pamposhtur, besimplotë dhe të përmbysim regjimin e drogës, krimit dhe vjedhjes së Shqipërisë.
Qytetarë dhe qytetare!
Askush mos mendojë se Rama është shumicë, por do të them ju këtu, se një pakicë idealiste është dhjetë herë më e fuqishme se një shumicë amorfe, se një shumicë e trembur, se një shumicë e frikësuar.
Ndaj dhe ne jemi të betuar, të vendosur që këtë betejë pa kthim ta vazhdojmë gjer në përmbysjen e regjimit antishqiptar, diktatorial, hajdut, trafikantë, narkomanë të Edi Ramës.
Miqtë e mi!
Përshëndetjet më të përzemërta demokratëve në mbarë Shqipërinë dhe i bëj thirrje, le të shndërrojmë ne këtë dimër në pranverën e vërtetë të demokracisë, triumfit të idealeve tona.
Rikthimit të shpresës tek shqiptarët dhe përmbysje së regjimit të kalbur të Edi Ramës, regjimit antishqiptar të Edi Ramës.
Së fundmi, në rrugën e Shpresës vërshon drita, në Surrel thellohet terri, errësira.
Edi Rama nuk ke të ardhme.
Rroftë Shqipëria, rrofshi ju.
Zoti ju bekoftë.
Faleminderit shumë.
