RTS: Behgjet Pacolli nuk mund të shkoj në Novi Pazar

Ministrit të Punëve të Jashtme të Kosovës, Behgjet Pacolli nuk i lejohet vizita në Novi Pazar, bënë të ditur Televizioni publik i Serbisë, RTS

RTS jo zyrtarisht bënë të ditur edhe kleçkën që shteti serb gjeti për ta kundërshtuar këtë vizitë. Sipas Beogradit zyrtar, në Kornizën ligjore të UNMIK-ut, Kosova nuk ka ministri të punëve të jashtme, dhe Marrëveshja për vizitat e zyrtarëve nuk mund të zbatohet në rastin e Pacollit.

Bexhet Pacolli, në cilësinë e Ministrit të Punëve të Jashtme ishte ftuar nga kryetari i Këshillit Nacional Boshnjak, Sulejman Uglanin, thekson RTS.

Ndryshe, mediat serbe kanë bërë të ditur se Behgjet Pacolli ka deklaruar të enjten se ka kërkuar leje nga Beogradi që më 21 dhe 22 korrik zyrtarisht ta vizitoj Novi Pazarin dhe Sanxhakun duke shtuar se në rast të refuzimit të lejes nuk do të shkoj rrugëve të malit  siç ka vepruar Drejtori I Zyrës së Kosovës pranë qeverisë së Serbisë, Marko Gjuriç