Bernard Arnault, njeriu më i pasur në botë

Miliarderi dhe shefi i konglomeratit global të brendeve luksoze, LVMH, Bernard Arnault, tejkaloi edhe Elona Musk duke u bërë kështu njeriu më i pasur në botë.

Pasuria e Arnault dhe familjes së tij u rrit të premten për 23.6 miliardë dollarë duke arritur në 207.8 miliardë dollarë, dhe duke lënë pas drejtorin e kompanisë Tesla, Elon Musk, me 204.5 miliardë dollarë, tregon renditja e Forbes e cila ndryshon në kohë reale.

Vlera e kompanisë Musk, Tesla, të enjten pësoi rënie në bursë për 13 për qind, arsye kjo që Musk i humbi mbi 18 miliardë dollarë. Ndërkohë aksionet e LVMH të premten kishin një rritje të madhe me mbi 13 për qind që arriti vetëm deri në orën 11 të mëngjesit, shkaktuar kjo nga një shitje e madhe. Kapitali i tregut të LVMH të premten arriti 388.8 miliardë dollarë, ndërsa Tesla në bursë vlenë 586.14 miliardë dollarë.

Kështu Bernard Arnault u rendit i pari të premtën e 26 Janarit 2024.

Ndryshe, LVMH në vitin 2021 bleu Tiffany & Co për 16 miliardë dollarë, dhe konsiderohet si përvetësimi më i madh i një brendi luksi në histori. SH.A, Agache e Arnautit mbështetë VC kompaninë Aglaé Ventures e cila, siç raporton Forbes, investon në biznese siç janë Netflix dhe ByteDance, kompania mëmë kjo e TikTok.

Ndryshe, Bernard Arnault ka pesë fëmijë, dhe që të gjithë punojnë në LVMH. Kohë më parë, dy djemtë e tij i emëroi në bordin e konglomeratit, ku ishin dhe dy fëmijët e tij, me qëllim që të siguroj një kontroll afatgjatë të familjes mbi mbretërinë e tij të biznesit.