Parashikimi i motit, për datë 12 Shkurt, ja çfarë pritet

Parashikimi i motit, për datë 12 Shkurt:

Sot priten reshje mesatare deri lokalisht intensive në qarqet Shkodër, Kukës, Korçë, Vlorë dhe Gjirokastër, ndërsa në qarqet e tjerë priten reshje të dobëta deri lokalisht mesatare.

Në qarqet Shkodër, Kukës, Tiranë, Elbasan, Korçë, Vlorë dhe Gjirokastër reshjet pritet të shoqërohen me shtrëngata.

Në qarqet Shkodër, Kukës, Vlorë dhe Gjirokastër, IGJEO parashikon se mund të ketë vërshime të shpejta të lumenjve të vegjël malorë dhe rrëshqitje të dherave. Në zonat urbane, në këto qarqe mund të shfaqen probleme me përmbytje të lokalizuara, në varësi të gjëndjes së kanalizimeve.

Në Veri të vendit, në lartësitë mbi 900 m nga niveli i detit reshjet do të jenë në formë dëbore.

Era pritet të fryjë mesatare deri e fortë, kryesisht në bregdet.

Temperaturat minimale dhe maksimale:

Në bregdet: 10 / 13 °C

Në vendet e ulëta: 8 / 13 °C

Në vendet malore: 3 / 10 °C