Super e Marta, Biden dhe Trump triumfojnë
Në Super të Martën, që është dita më e rëndësishme e zgjedhjeve paraprake në Shtetet e Bashkuara, u bë e qartë se përballja e sërishme Biden-Trump në zgjedhjet presidenciale 2024 është pothuajse e sigurt.
Biden, 81 vjeç, të vetmen garë që e humbi të martën ishte në Samoan Amerikane përballë kandidatit Jason Palmer, ndërsa Trump 77 vjeç, pësoi humbje nga Nikki Haley në Vermont, por deri më tani Haley e cila kishte deklaruar se do të qëndronte në garë të paktën deri Super të Martën, nuk dha ndonjë deklaratë as për tërheqje.
Biden dhe Trump fituan në North Carolina, Virginia, Tennessee, Alabama, Oklahoma, Maine, Massachusetts, Arkansas, Texas, Colorado, Minnesota, and California. Biden fitojë gjithashtu në Utah, Vermont dhe Ajova, ndërsa fitore të madhe për Trump quhen ato në Virginia, Massachusetts dhe Maine, shtete që e kishin mbështetur Haley në zgjedhjet e mëparshme paraprake.
Gjatë këtij muaji pritet të votojnë shtetet e tjera, që Biden dhe Trump zyrtarisht të marrin nominimin e partive të tyre për të garuar në zgjedhjet presidenciale.
Joe Biden nuk mbajti fjalim, por lëshoi një deklaratë duke paralajmëruar se rezultatet e së martës i kanë lënë amerikanët me një zgjidhje të qartë dhe duke vënë në pah arritjet e tij pasi mposhti Donald Trumpin në zgjedhjet e vitit 2020.
“Nëse Donald Trumpi kthehet në Shtëpinë e Bardhë, i gjithë ky përparim do të jetë në rrezik. Ai nxitet nga ankesat dhe hidhërimi, i përqendruar në hakmarrjen e tij e jo te populli amerikan,” tha Biden.
Ndërsa Donald Trump në një fjalimin e fitores para një grupi të madh mbështetësish në klubin e tij Mar-a-Lago në Palm Beach të Floridas tha në këtë mbrëmje të mrekullueshme:
“Ata e quajnë ‘Super e martë’ për një arsye. Kjo është një ditë e madhe,” tha Trump ndërsa në një intervistë ekskluzive me Brooke Singman të Fox News pas fitores u shprehë:
“Mbrëmje të mrekullueshme!”
Mediat veçuan se Trump në fjalimin e tij 20 minutësh nuk përmend fare rivalene tij, Ish-Ambasadoren e OKB-së dhe Ish-Guvernatoren me dy mandate të South Carolina, Nikki Haley, ndërsa Ish-Presidenti i SHBA, Donald Trump, është në rrugën e duhur për të fituar shumicën dërrmuese të 854 delegatëve republikanë, për të përmbyllur nominimin presidencial të Partisë Republikane pavarësisht premtimit të Haley për rezultatin e Super të Martës.
