Këshilltarët e Kukësit, Hasit dhe Tropojës: Të lirohen 4 protestuesit, të anulohet taksa

Këshilltarët bashkiakë të Kukësit, Hasit dhe Tropojës i kanë nisur një peticion Presidentit të Republikës Ilir Meta dhe kryeministrit Edi Rama, ku i kërkojnë të ushtrojnë autoritetin e tyre për lirimin e 4 qytetarëve kuksianë që ndodhen në burg, si pasojë e protestës së 31 marsit në rrugën e Kombit.

Gjithashtu kërkohet që të ndërpriten procedimet penale ndaj protestuesve të tjerë që dolën në protestë për tarifën e Rrugës së Kombit.

Një tjetër kërkesë ka të bëjë me anulimin e taksës për këtë rrugë.

Në burg ndodhen vetëm 4 nga protestuesit.