Rusia bombardon Rusinë

Forcat ajroe ruse kanë hedhur një numër të madh bombash në territorin e vet gjatë këtij muaji, raportojnë mediat e pavarura ruse.

Sipas Politico, ushtria ruse e Presidentit Vladimir Putin rregullisht bombardon Ukrainën nga ajri mbi rajonet kufitare, si Belgorod, gjë që ka shkaktuar incidente me forcat miqësore.

Javën e kaluar forcat ajrore ruse kanë hedhur predhën X-59 në rajonin Belgorod, 82 kilometra nga kufiri me Ukrainën, ka raportuar mbrëmë media e pavarur ruse Astra përmes rrjetit social Telegram, duke ju referuar burimeve.

“Ushtria ruse u detyrua ta shkatërroi menjëherë. Viktima nuk kishte,” raporton Astra.

Të paktën 21 bomba nga ajri kanë rënë nga avionët rus në Rusi ose rajonet e okupuara në Ukrainë vetëm në muajt mars dhe prill, raporton Astra.

“Nuk ka përgjigje të sakt pse vazhdimisht ndodhë kjo,” raportojnë gazetarët.

Më 2 prill, një avion bombardues rus ka hedhur një mjet shpërthyes në afërsi të stacionit të trenit në Rubizhnej, qytet ky i pushtuar në rajonin Luhansk.

“Nuk u raportua për viktima, të mbijetuarit u evakuuan dhe u strehuan që të gjithë në një vend,” tha shefi i administratës ushtarake në rajonin Luhansk, Artem Lisohor.

Më 20 prill ra një bombë ruse në qendër të Belgorodit dhe krijoi një krater shumë të madh. Ministria ruse e Mbrojtjes përmes një deklarate ka bërë të ditur se “gjatë fluturimit të avionit Su-34 të Forcave ajrore-hapësinore mbi qytetin e Belgorodit, ka ndodhur një rënie e pazakonshme e armatimit të avionit”.