Kopenhagë, Presidentja e Kosovës: Rusia, me Serbinë dëshiron të hap një front të ri ndaj Perëndimit!

Presidentja Vjosa Osmani nga Samiti i Kopenhagës për Demokraci, tha Kosova kufizohet me Serbinë e cila është dëshmuar të jetë dorë e zgjatur e Rusisë që përpiqet në Ballkanin Perëndimor të hap një front të ri ndaj Perëndimit

“Siç e dini Kosova kufizohet me Serbinë vend që është dëshmuar të jetë dorë e zgjatur shumë lojale e Rusisë që përpiqet të luaj me ato lojërat e Putinit në Ballkan Perëndimor duke hapur një front të ri ndaj Perëndimit, sepse ky efekti shpërndarës me të cilin Rusia do të arrinte shpërqendrimin e vëmendjes nga Ukraina, kjo do të ishte shumë e nevojshme për ta.

Puna që mbajmë bashkë me aleatët tanë, NATO-n, për të siguruar që Kosova të mbetet e sigurtë e stabile, është një gjë që bëjmë çdo dite çdo orë,” tha Vjosa Osmani ndërsa foli për bashkëpunimin në rritjej të Kosovës me aleatët në mënyrë që të sigurohet që çdo qëllim destabilizues në kufirin verior të Kosovës të kthehet mbrapshtë.

“Vitin e kaluar patëm një sulm paramilitar që shkoi deri në akt të agresionit nga Serbia, por që arritëm ta kthenim mbrapshtë përkundër madhësisë së sulmit, sepse bashkëpunuam me aleatët tanë. Kjo nuk do të thotë që nuk do të përpiqen prapë në të ardhmen, ajo që nënkuptohet këtu është që ne do të jemi të suksesshëm për t’i ndalur që në orët e para.”

Për Kosovën, tha Presidentj Osmani, e ardhmja në familjen euroatlantike është vet realiteti.

“Jemi dëshmitar të një sulmi të pandalshëm ndaj vlerave demokratike nga autokratët që e shohin demokracinë si kërcënim të drejtpërdrejtë ndaj ambicieve të tyre. Sa më e madhe të jetë dëshira e tyre për ta minuar demokracinë aq më e fortë duhet të jetë vendosmëria jonë për ta luftuar. Jam krenare që qëndroj në këtë podium të sotëm për të ndarë me juve një këndvështrim në historinë e Kosovës si tregim i shpresës si tregim i demokracisë që jep rezultat.”

“Demokracia më e gjallë në rajonin tonë është testament i vërtetë i asaj se si fati i një populli mund të transformohet kur jepet një rrugëtim drejtë pavarësisë, lirisë e demokracisë duke dalë nga hiri i një lufte gjenocidale,” tha Osmani duke folur për të ardhmen e Kosovës në Bashkimin Evropian dhe NATO që mbeten ndër aleancat më të njohura në historinë moderne.

Në fund, Presidentja e Kosovës foli dhe për procesin e anëtarësimit të Kosovës në Këshillin e Evropës.

“Kemi aplikuar për KiE, i kemi kaluar dy fazat me sukses dhe tash po na thuhet që duhet të implementoni Asociacionin. Mirë a do ta bëj Serbia pjesën e vet paralelisht, që do të thotë vota për Kosovën në Këshill të Evropës,” tha Presidentja e Kosovës, Vjosa Osmani në Samitin e Kopenhagës për Demokraci duke përfunduar:

“Askush nuk ja kërkon Serbisë këtë. Kemi një mungesë totale të baraspeshës që e minon kredibilitetin e dialogut. Njëra palë po implementon marrëveshjen ku është kuptimi i marrëveshjes e dialogut, nëse është kështu pse ulemi me Serbinë, pse i nënshkruajmë këto marrëveshje?!”