Rama: SHISH, institucion thashethemesh! Noka: Çfarë përfaqëson Vlora Hyseni!
Në Komisionin për Sigurinë Kombëtare, ku kreu i Shërbimit Informativ Shtetëror, SHISH në seancë dëgjimore po përgjigjej për raportimin vjetor të veprimtarisë së institucionit për vitin 2023, Sekretari i Përgjithshëm i Partisë Demokratike, Flamur Noka, duke rikujtuar shprehjen e Edi Ramës se “SHISH është institucion thashethemesh” pyeti Kryetarin e këtij Komisioni se çfarë përfaqëson Vlora Hyseni, prezente.
“Çfarë përfaqëson zonja, Shërbimin Informativ të Shtetit apo institucionin e thashethemeve siç e ka cilësuar kryeministri. Kjo është një pyetje korrekte dhe zonja duhet të përgjigjet Z. Kryetar”, tha Falmur Noka duke e konsideruar gabim shumë të madh dhe shumë të rëndë politik, kërcënimin e Kryetarit të Komisionit për Sigurinë Kombëtare, Nasip Naço, se nëse nuk do të bëjnë pyetjet që ai kërkon, do ta mbyll Komisionin për mediat.
“Ju kërcënoni deputetët se në rast se nëse nuk bëhet pyetje që do ‘Lartmadhëria e tij – Sulltan Surreli’, do të ndërpritet e drejta e fjalës së lirë të deputetëve. Kjo që sapo thatë është një krim i rëndë dhe nëse e përsërit do e ndjekim këtë çështje. Nuk mund të kërcënosh kurrë deputetët e opozitës dhe nuk mund t’u kërkosh kurrë t’u ndërpresësh të drejtën dhe lirinë e fjalës deputetëv.”
Në fund, Sekretari i Përgjithshëm i Partisë Demokratike vlerësoi në Komisionin e Sigurisë Kombëtar se kupola e Policisë së Shtetit është e zhytur në krim, drogë dhe korrupsion.
“Sot për shqiptarët shqetësim është zhytja e kupolës së policisë në trafik droge. Sot shqiptarët nuk kanë kupolë të Policisë së Shtetit, por kupolë të narkopolicisë. Dhe këtë nuk e thotë vetëm opozita, por edhe raportet, ua ka thënë edhe skapi i partisë.
Sot përveç se përfshirjes së policisë në drogë, sepse që kur erdhi rilindja këtu, Shqipëria është vendi kryesori i prodhimit të kanabisit në Europë, pra është Kolumbia e Europës. Vendi kryesor për trafikun dhe transitin e drogave të forta në Europë,” tha Sekretari i Përgjithshëm i Partisë Demokratike, Flamur Noka, duke rikujtuar se në zgjedhjet e vitit 2023 ishin Drejtorët e Policisë, ose narkodrejtorët dhe narkoshefat e komisariateve që shoqëronin bandat dhe blindat e bandave në Shkodër, Lezhë, Kurbin, Durrës dhe në çdo cep të Shqipërisë ndërsa përfundoi:
“Janë të referuar nga Policia e Shtetit për zgjedhjet e 2023, 51 militantë të PD, ndërkohë që çdo shqiptar dhe ndërkombëtar e shihte që qeveria firmoste tendera të pafundëm në shkelje të ligjit dhe Kodit Zgjedhor, ndërkohë që drejtorët e policisë në zyrat e shtetit shqiptar, jepnin porosi dhe koordinonin shpërndarjen e parave.”
