I biri i Donald Trump tallet me Zelenskyyn

I biri i Donald Trump, Donald Trump Jr., ka publikuar një fotomontazh të sfondit të celularit të Joe Biden. Aty shihen thirrjet e humbura dhe mesazhet e Volodymyr Zelenskyy.

Kështu Binden ka 52 thirrje të humbura nga Zelenskyy, dhe shihen edhe mesazhe në panik. I biri i Trumpit e ka publikuar me shenjën e të qeshurës, duke shtuar shkurtesën LOL.

LOL ? pic.twitter.com/DDaLLN7gC9

— Donald Trump Jr. (@DonaldJTrumpJr) July 21, 2024

Ndryshe, fitorja e Donald Trump në zgjedhjet e nëntorit mund të jetë një lajm i keq për Kievin. SHBA është furnizuesi më i madh i Ukrainës me armë dhe ndihma, e kjo mund të ndryshoj nëse Donald Trump sërish kthehet në Shtëpinë e Bardhë.

“Sa herë që Zelenskyy vjen në këtë vend, kthehet me 60 miliardë dollarë. Ai është tregtar më i mirë që kemi parë ndonjëherë,” tha javën e kaluar Donald Trump. 

Gjithashtu, në opinionin publik ka rrjedhur gjoja plani i Donald Trump për paqen në Ukrainë. Dy këshllitarët kyç të Donald Trumpit kanë prezantuar planin për përfundimin e luftës ruse në Ukrainë nëse fiton në zgjedhjet e nëntorit. Plani përfshinë ndërprejen e mundshme të furnizimit me armë të Ukrainës nëse ajo refuzon të negocioj me Rusinë për përfundimin e luftës.