PD caktoi drejtuesit, Edi Rama paralajmëron zgjedhjet ’97, SPAK hesht!

Dy partitë më të mëdha caktuan drejtuesit politik në qarqe dhe ndezën motorët për fitore në zgjedhjet parlamentare 2025, por, SPAK që ka paralajmëruar krijimin e një Strukture të Posaçme për Zgjedhje vazhdon dhe heshtë ndonëse të gjithë sytë e shqiptarëve janë drejtuar nga ata që kishin krijuar idenë se do të pastrojnë politikën!

SPAK heshtë edhe kur Kryetari i Partisë Socialiste, Edi Rama, nga Asmableja e PS, pasi i hap luftë të hapur Partisë Demokratike me vënien e rivalëve të caktuar për drejtuesit politik që përcaktoi Këshilli Kombëtar i PD për zgjedhjet parlamentare të vitit 2025, në fund përcakton dhe epilogun e këtyre zgjedhjeve: Si në vitin 1997!

Dhe, si rezultat i mosveprimit për parandalimin dhe ndëshkimin e korrupsionit të Qeverisë Rama, ndryshe nga herë të tjera, Kryeministri Edi Rama cakton drejtuesit politik nga fuqia ekonomike që ata kanë në portofolin e ministrisë dhe korrupsionit të prodhuar, duke krijuar idenë se bandat nuk do të kenë punë në këto zgjedhje!

Kështu, duke pasur parasysh se Tirana do të jetë sërish hambari më i madh i mandateve pë deputetë, të pakapshmit të rrjetës së SPAK, Erion Veliaj, Kryeministri i shtoi edhe dy drejtues politik që SPAK nuk guxon ti lëshoi as sytë e lëri më ti thërras për përgjegjësi penale, si Ogerta Manastirliun për koncesionet në Shëndetësi ashtu dhe Elisa Spiropalin për fitoren e Benet Becit në zgjedhjet e vitit 2023 në Shkodër me bandat e Bajrave!

Dhe, meqë SPAK ka frikë të vendos rend dhe ligj në Shkodër dhe vazhdon me arrestimin e rojeve të plantacioneve me drogë, Edi Rama nuk u shqetësua për caktimin e drejtuesit politik të PD, profesorin e nderuar Luçiano Boçi, por, u mjaftua t’ja lë në dorë këtë qark, të plotëfuqishmit prej 13 vjetësh të Fondit Shqiptar të Zhvillimit, aktualisht Kryetar i Bashkisë, Benet Beci!

Ndërsa Kryeministri kishte gati flaimin dhe po lexonte emrat e drejtuesve politik, u kujdes edhe për ata që menduan se Edi Rama po e lëshon këtë qark në rënie të lirë pa një drejtues partie, duke përdor si lajmëtar televizionin e partisë i cili paralajmëroi kandidimin e mundshëm të Kryetarit të PS për deputet në Shkodër!

Për Kukësin ishte e qartë qysh se u emërua nga PD Flamur Hoxha si drejtues politik, se si do të veproi Edi Rama! Askush ma mirë se Pandeli Majko nuk do të mund të marrë shënim se sa po kujdeset për financat Qet Kastrati dhe sa po e shkel vijën e kuqe ndërtuesi i ri në Tiranë!

Dhe, sigurisht, sa po vazhdon të qëndroj larg këtij qarku SPAK, nga sa i është lejuar nga Kryeministri Edi Rama!

Dibra do të ngelet në histori si njëri ndër qarqet më krenare dhe më të dhjera nga Edi Rama ndërsa përcaktimi i ministrit Blendi Gonxhe si drejtues politik i PS përball demokratit rë rikthyer në djepin e tij, Xhelal Mziu, nuk është vetëm një delegim i njeriut që garanton vazhdimin e ëndrrës me përfundimin e Rrugës së Arbrit, por, dhe uljen e kokës së të gjithë atyre kontrabandistëve të kromit që mendojnë se pushteti socialistë është afër skadencës, duke i kujtuar sirtarët e SPAK që edhe mund të hapen.

Për Lezhën, Edi Rama bëro dyzimin e dy hajdutëve më të mëdhenj të votës në një dosje kriminale që SPAK kishte frikë edhe ta hap! Meqë nuk e ka marrë kurrë seriozisht Agron Gjekmarkajn, Edi Rama nuk kishte arsye të ndryshoj strategji me Ulsi Manjën dhe Pjerin Ndreun! Normalisht që si drejtues politik dhe kryetar bashkie zëri i tyre për manipulimin e zgjedhjeve është shumë më bindës nga ato që janë dëgjuar në përgjimin e telefonëve nga shërbimet e huaja sekrete, vetëm se tani Ulsiu si ministër i Drejtësisë ka dhe xhepat e mbushur me leje për të burgosurit që mendojnë ta kalojnë ndonjë fundjavë edhe në familje ose izolimin duan ta mbajnë sa më larg!

Durrësi ishte dhe mbeti në duart e krimit ndërsa me përcaktimin e Emirjana Sakos përballë Oert Bylykbashit, Kryeministri Edi Rama tregon se asgjë nuk ka ndërmend të ndryshoi në këtë vend bregdetar përderisa votuesi heshtë dhe Durrësi shitet e vidhet!

Në Elbasan, aty ku kutërbon ende gjaku i derdhur katër vjet më parë, Ervin Salianji do të mundohet të kuroj plagët e përçarjes së demokratëve nga shkopi i tij i bejsbollit dhe marrëzia e Zotni Lafshës, por për blerjen e votave nga PS u caktua ministri Arbian Mazniku, vartësit e të cilit nga 5D vetëm sa mbushin gazetat ku emri i këtij njeriu as që guxon të përmendet nga SPAK!

Beteja për Fierin që u ideua në kokën e disa aventurierëve me Gazment Bardhin përballë Taulant Ballës ndryshoi skenar dhe frenat e kësaj gare elektorale i mori e plotëfuqishmja e partisë dhe rrugëve të Shqipërisë, Belinda Balluku! Sa do të godas me thesin e saj të shthurrur me lekë e euro dhe tender ndërtimi, këtë e paralajmëroi stuhia para qetësisë, ndërsa nuk u pa njeri të shqetësohet nga denoncimet e Bardhit përderisa SPAK ka këtë strukturë!

Dhe, kur mendohej se Zona e parë operative do të blindohej me figurat më të larta partiake, që kishte me shumicë që ishin të pangazhuar, Edi Rama pa i përmendur ende emrat e bëri të qartë epilogu e këtyre zgjedhjeve!

Ndonëse ndër demokratë vazhdon debati pse në Korçë, Mond Spaho u zëvendësua me Ivi Kason; Në Berat, Tomor Alizoti me andartin e Pollos, Enno Bozdo; Në Vlorë dhe Gjirokastër nuk arriti të rifreskohej drejtimi por u lanë, Bujar Leskaj e Tritan Shehu, Kryeminitsri Edi Rama me një të rënë të gojës u bë celibash dhe lexoi rezultatin e zgjedhjeve: Si ai i vitit 1997!

A mund të realizohet një skenar i tillë!

Kur hesht SPAK, Partia Socialiste pas 12 vjet qeverisjeje kriminale, auditin më të mirë mund t’ja bëjë me një zjarr të lirë që nuk ka se si të jetë i ndershëm kur e bënë Sigurimi i Shtetit, duke garantuar fitoren dhe siç bëri në vitin e zi 1997, duke humbur gjurmët si të firmave piramidale ashtu dhe krimit 45 vjeçar politik dhe ekonomik!

Pra, atë që kërkon Partia Demokratike, zgjedhje të lira e ndershme PO, por, nuk mjafton!