Parashikimi i motit, për datë 10 Tetor, ja çfarë pritet

Parashikimi i motit, për datë 10 Tetor:

Sot priten reshje mesatare në qarqet Shkodër dhe Lezhë, ndërsa në qarqet Kukës, Dibër, Durrës, Vlorë dhe Gjirokastër priten reshje të dobëta deri lokalisht mesatare.

Reshjet pritet të shoqërohen me shtrëngata në këto qarqe.

Shtrëngatat dhe intensiteti i lartë i reshjeve, parashikon Instituti i Gjeoshkencave, për momente të shkurtra, mund të krijojnë probleme të ndryshme, si dhe vërshime të ujit në zonat urbane, në varësi të sistemit të kanalizimeve në qarqet Shkodër dhe Lezhë.

Era pritet të fryjë e lehtë deri mesatare.

Temperaturat minimale dhe maksimale:

Në bregdet: 18 / 25 °C

Në vendet e ulëta: 17 / 27 °C

Në vendet malore: 12 / 23 °C