Si parashikohet moti në 10 ditët e ardhshme…

Temperaturat në fund të korrikut dhe fillimin e muajit Gusht janë premtuese për ata që duan të pushojnë në breg të detit. Sipas sinoptikanëve, mesdita e të dielës sjell rritje të ndjeshme temperaturash.

NJOFTIMI I METEOALB

VALA E TE NXEHTIT: fusha termike nga e diela dhe në vijim duke përfshirë edhe javën e parë të muajit gusht, do të ushqehet nga masa ajrore të nxehta të kontinentit Afrikan të cilat rritin ndjeshëm temperaturat mbi Shqipëri ku pritet që periudha 29 korrik – 5 gusht të shënojë vlerat termike më të larta të vitit 2018; sigurisht pa marrë në konsideratë 20-ditët e fundit të gushtit që përkojnë dhe me fundin e stinës së verës, për të cilat ka sinjale të forta që sjellin temperatura pranë vlerave tipike të gushtit; nuk përjashtohet mundësia e ndonjë 3-ditëshi ku temperaturat ngjiten mbi 36°C.