Parashikimi i motit, për datë 22 Nëntor, ja çfarë pritet

Parashikimi i motit, për datë 22 Nëntor:

Sot priten reshje intensive deri lokalisht shumë intensive në qarqet Shkodër, Kukës, Dibër, Lezhë, Tiranë, Elbasan, Vlorë, dhe Gjirokastër ndërsa në qarqet Durrës, Fier, Berat dhe Korçë priten reshje mesatare deri lokalisht intensive.

Reshjet pritet të shoqërohen me shtëngata në të gjitë qarqet.

Shtrëngatat dhe intensiteti i lartë i reshjeve, mund të krijojnë probleme të ndryshme. Në qarqet Shkodër, Kukës, Dibër, Lezhë, Tiranë, Elbasan, Vlorë, dhe Gjirokastër mund të ketë vërshime të shpejta të lumenjve të vegjël malorë dhe rrëshqitje të dherave, parashikon Instituti i Gjeoshkencave. Në zonat urbane, në këto qarqe mund të shfaqen probleme me përmbytje të lokalizuara, në varësi të gjëndjes së kanalizimevesi.

Në Verilindje të vendit në lartësitë mbi 1000 m nga niveli i detit reshjet pritet të jenë në formë dëbore.

Era pritet të fryjë mesatare deri e fortë kryesisht në bregdet.

Temperaturat minimale dhe maksimale:

Në bregdet: 11 / 18 °C

Në vendet e ulëta: 6 / 18 °C

Në vendet malore: 2 / 13 °C