Patrullime dhe vëzhgime në Istog, KFOR: Garantojmë mjedis të sigurt!

Ushtarët e misionit të NATO-s në Kosovë, kanë zhvilluar aktivitete patrullimi e vëzhgimi në Istog, thekson KFOR i cili përmes këtyre aktiviteteve të përditshme, garanto mjedis të sigurt për të gjithë.

“Këto përpjekje janë pjesë e misionit të përditshëm të KFOR-it për të garantuar një mjedis të sigurt për të gjitha komunitetet që jetojnë në Kosovë. KFOR-i vazhdon të zbatojë mandatin e tij,  bazuar në Rezolutën e Këshillit të Sigurimit të OKB-së, për të kontribuar në një mjedis të sigurt për të gjithë njerëzit dhe komunitetet që jetojnë në Kosovë dhe lirinë e lëvizjes, në çdo kohë dhe në mënyrë të paanshme,” shprehet misioni i NATO-s në Kosovës, KFOR, në njoftimin përmes rrjetit social Facebook duke përfunduar:

“KFOR-i punon në koordinim të ngushtë me Policinë e Kosovës dhe EULEX-in në rolet e tyre përkatëse si reagues të sigurisë.”