Govorit London!
nga Agim Popoci
Yuri Levitanin nuk bëjmë dot ndonëse 3.000 sovjetikë u mblodhën për mexhlisin komunist në Londër, lajmet e Informbyrosë nuk kemi pse t’ju themi sepse ishte vetë Stalini i Shqipërisë prezent, i cili nga emocionet iu mbeti borxh, pa ju thënë epiken: “Govorit Moskva”!/Lexo shqip: Ju flet Moska!/
Megjithëse duhet pranuar se një pjesë të fajit e kanë edhe vetë ata që kishin ardh, jo pse i hipën dru atyre që ishin fut në sallë dhe nuk mendonin si Stalini i tyre, sepse këta 3000 sovjetikë nuk njohin gjuhë tjetër, por, lideri i tyre ndërsa po shikonte sallën plotë me gjithë atë soj e sorollop që e kishte e quajtur çeçenë, malokë, alpin, shpellarë dhe së fundi krijues të mrekullisë së tetë, harroi i ziu si niset fjalimi para kësaj tufe të përbuzur, përdhunuar dhe vrarë për 80 vjet, që iu bind urdhrit të Taos dhe Benetit, dhe e bëri këtë mexhlis madhështor!
Dhe, derisa Levitan nuk bëhemi dot, armik numër një i këtij lloj diktatori jemi, dhe nuk na duhet ndonjë dhunë e Lali Erit, mund të themi që sot se me kthimin e drejtimit të Shqipërisë nga shqiptarët, do ta publikojmë kapitullimin e Edi Ramës!
Por, le ti kthehemi, mexhlisit sovjetik në Londër, kësaj tufe të marrosur që nuk e ka për gjë kur Stalini i tyre vazhdon i ofendon edhe kur nuk ju thotë Govorit Moskva!
Duke ju thënë, Govorit London/Lexo shqip: Ju flet Londra!/, Stalini i Shqipërisë edhe pasi ju kishte thënë shqiptarëve të Zonës së parë Operative në Selanik, se do t’u dërgonte deri në 50 mësues të gjuhës shqipe, 8 prej të cilëve kishin filluar punë, për këtë tufë që ishin gati t’i fusin dru edhe familjes së tyre për diktatorin, nuk kishte mësues!
Oferta e Stalinit të Shqipërisë ishte shumë më e rëndë nga të gjithë ofendimet që ai i bëri deri më sot për këta shqiptarë që kaluan dhe La Manchin vetëm pse pushteti i tij u kishte mohuar edhe bukën e gojës; Dhe, jo vetëm nuk u larguan nga salla ndërsa ai po shpaloste idenë e tij, por nuk u pa të lëviz asnjëri nga 6.000 qerpikët sovjetikë që ishin në sallë!
Paketa e maleve! Pra, e bëri të qartë që në Londër, se bregdeti është për xhaçkat, e për këta që i binden Taulantit dhe Benetit, do t’i japë mundësi në malet e Shqipërisë! Që të mos i shkoj mendja dikujt prej këtyre që nuk u duhet as mësuesi, Stalini i Shqipërisë e bëri të qartë se çdokujt që ka në mal një truall, një shtëpi, do të mund të investojë pa pasur tapi, pa taksa për dhjetë vjet, në mënyrë që të ndërtojë ekonomi të re dhe të shtuar për veten dhe të rrisë ekonominë e zonës.
Për ata shqiptarë që nuk e kishin për gjë kur Edi Rama u thoshte çeçenë, malokë, alpinë, shpellarë dhe së fundi krijues të mrekullisë së tetë, dhe kanë blerë ndërkohë pronë në bregdet për të investuar me kursimet e tyre, mund ta marrin një fyell qoftë ai i Thethit ose Lurës e ti bijnë “Tjomnaja noč” deri te “Katyusha” edhe pse zërin e Lidiya Ruslanovës nuk kanë ku e marrin!
Vetëm kështu ju don Stalini i Shqipërisë, nga mali të rrini në mal, të bredhni botën, të kurseni dhe të vini të investoni, po në mal! Dhe siç thotë Shën Dumani, afërmendsh, votën t’ia jepni vetëm Edi Ramës sepse Partia Demokratike nxit akte antishqiptare në tokë të huaj!
Ç’është e vërteta, kjo nuk është diktaturë, por, se kush është antishqiptar, nuk duhet të rrimë e të lexojmë fatkeqësinë e shekullit XX që, siç thotë Edi Rama, është treguar harraqe ndaj shqiptarëve! Jo, më harraqe ndaj shqiptarëve është treguar partia kriminale e Edi Ramës dhe fatkeqësia e vetme shqiptare është Komunizmi!
Kur të konsideron shpellarë, kur të bënë me pagesë edhe rrugën për të shkuar në Tiranë, kur e thotë qartë se me këtë lloj shqiptari ka bërë ndarje epokale sepse ai është për arkitekturën që e ka bërë Tiranën kryeqytetin turistik dhe jo për Bathore si mrekullia e tetë e botës – i vetmi vend në botë që u ndërtua pa leje, dhe mbyllë sytë para mrekullive tjera ku ka elektoratin si në Unazën e Madhe, Siri Kodra, Sauk, Vlorë, Himarë, Sarandë e Konispol; Kur të gjithë investitorët strategjik janë kopilat e nomenklaturës komuniste; Kur dinjitetin e shqiptarit në Selanik, e ka vendos Çajupi dhe Ali Pashë Tepelena, dhe, kjo nuk vlen për Hasan Prishtinën! Jo vetëm pse ishte Ish-Kryeministër i Shqipërisë dhe ishte me shumë prona në Selanik, por, sepse nuk ishte Aliu nga Tepelena, por, Hasani nga Vuçitërna!
Çfarë duhet të thoshte më shumë ky antiverior në Copper Box Arena Queen Elizabeth Olympic Park London, që të lëviz të paktën një qerpik, edhe pse që nga momenti që shkeli në politikë u bë Kryetar i Bashkisë Tiranë duke përbuzur rivalin e tij nga Veriu dhe jo duke bërë garë, dhe, erdhi në fronin e Kryeministrit sërish duke e përbuzur rivalin që kishte nga Veriu, dhe, jo duke marrë pjesë në një garë të ndershme elektorale, për ta arrestuar në fund edhe pa pikën e lidhjes!
Në fund, Govorit London, tha se nëse shqiptarët e botës së lirë do të marrin pjesë masivisht në zgjedhje, për Shqipërinë 2030 në BE, përballja e ardhshme elektorale nuk do të jetë vetëm vendimtare, por, përfundimtare!
Kjo është shumë e vërtetë aq sa është i pavërtetë edhe mashtrimi i fundit i Edi Ramës, se sa për Opozitën, Shqipëria nuk do të ulej kurrë e barabartë në tryeza ndërkombëtare dhe nuk do të bëhej kurrë histori suksesi në Europë!
Histori suksesi Shqipëria ka shënuar vetëm nën qeverisjen e Partisë Demokratike, dhe, sot shqiptarët janë vetë dëshmitarë se dy arritjet më të mëdha nga Pavarësia e Shqipërisë janë liberalizimi i vizave dhe anëtarësimi në NATO, të dyja këto arritje që u kundërshtuan nga partia kriminale e Edi Ramës që ishte në opozitë!
Sot, ky njeri që i thotë vetes Kryeministër ka dalë me strajcë ndër diasporën shqiptare dhe kërkon vota, po investon shumë para dhe nuk mund të përjashtohet mundësia të gjejë individë që edhe do ta besojnë; Por, vetë Edi Rama e di se nga një milion shqiptar që ka dëbuar gjatë qeverisjes së tij, atë që do bëjë humbës përfundimtar është fakti se atyre nuk ju flet më Moska, por, Washingtoni, Brukseli dhe Londra!
